ОХУ-ын Гадаад харилцааны сайд Сергей Лавров хэвлэлийн хурал дээр “Өрнөд манай гарагийн эдийн засгийн бүхий л зовлон зүдүүрт Оросыг буруутгах гэж оролддог. Гэвч Дэлхийн банк, ОУВС, НҮБ-ын Хүнс, хөдөө аж ахуйн байгууллагын статистикаас харахад энэ хямрал бүр манай цэргийн тусгай ажиллагаанаас өмнө эхэлжээ. Өрнөдийн ивээн тэтгэлгээр Украинд нацист, цагдаагийн улс байгуулагдсан.... Орос орны эсрэг эвсэл байгуулах гэсэн Вашингтоны алхам үйлдэл нь ЗХУ-ын эсрэг дайн дэгдээсэн Адольф Гитлерийнхтэй адил. Сануулахад, Гитлер “еврейчүүдийн асуудал”-ыг зүйл дуусгахыг хүсч байсансан.... Наполеон бас Орос гүрний эсрэг бараг бүх Европыг дайчилсан удаатай. Гитлер эзэлж авсан олон орныг ЗХУ-ын эсрэг хаяж өгсөн. АНУ одоо яг Гитлер шиг Европын холбоо бас НАТО-д багтдаг бараг бүх орныг зохион байгуулж эвсэл болгоод Украинаар дамжуулан Оросын эсрэг дайтаж байна. АНУ ба Европын эцсийн зорилго бол “орос асуудал”-ыг зүйл дуусгах....  АНУ өнөөдөр “орос асуудал”-ыг бүрмөсөн шийдэж оросуудыг зүйл дуусгах гэж оролдсоор л. Өрнөдийн улстөрчид (Балтын орнууд, Польш төдийгүй арай юм ухаарах маягийн орнууд хүртэл) өнөөдөр Оросыг стратегийн ялагдал хүлээх ёстой гэж ярих боллоо. Зарим ХМХ-ээр Оросын колонийг задлах ёстой гэжийна. Манай орон хэтэрхий том, “саад тотгор” учруулаад байгаа юм байх” хэмээн мэдэгдэв. 
Гэтэл түүний энэ мэдэгдэлд АНУ, Канад төдийгүй Еврейчүүдийн Конгресс маш их эмзэглэж гомдсон төдийгүй хариу мэдэгдэл хийжээ. Канадын Гадаад харилцааны яам тэр бүү хэл Оттава хотод суугаа Оросын Элчинг дуудаж "банга хүртээсэн" сурагтай. АНУ-ын Цагаан ордны Үндэсний аюулгүй байдлын зөвлөлийн стратегийн харилцааны зохицуулагч Жон Кирби мөн л гомджээ. Тэрбээр “ОХУ-ын ГХ-ы сайд нөхцөл байдлыг нэн доромжлолтой байдлаар өгүүлсэн” гэж мэдэгдэв. Еврейчүүдийн Конгресс ч бас гомдсон, тэд уучлал гуй гэж ОХУ-ын ГХ-ы сайд Лавровоос шаарджээ. 
Орчуулсан #МЦогзолмаа