Image description
“SARS-CoV-2 коронавирүсийн мутацийг ажиглахад хувьслын онолтой таарахгүй байна” гэж ОХУ-ын ШУА-ийн сурвалжлагч гишүүн, Энгельгардтын нэрэмжит молекуляр биологийн хүрээлэнгийн лабораторийн эрхлэгч, профессор Петр Чумаков мэдэгдлээ. “Коронавирүсийг лабораторид зохиосон гэх нотолгоо байхгүй учир одоо түүнийг байгалийн гаралтай гэж үздэг. Гэтэл үнэн хэрэгтээ коронавирүсийг байгалийн гэх баталгаа цөөн хэрнээ зохиомлоор бүтээсэн гэсэн баримт нь олон. Энэ вирүсийн бүтцийг шинжлэхэд тэрээр өөрийн хамгийн ойрын “хамаатан”-аас асар их ялгаатай, хувьслын дүрмийг тооцон үзвэл маш хачин өөрчлөлт төдийгүй хувьслын онолтой огт авцалдахгүй байгаа. Цар тахал дөнгөж эхэлж байхад Америкийн судлаачид ч энэ талаар ярьж байсан. Миний бодлоор коронавирүсийг зохиомлоор бүтээсэн. Гэхдээ үүнд Хятадыг буруутгах нь эртэднэ. Хятад, Америкийн аль алинд коронавирүсийн тахал дэгдээх боломжийг судалж, улмаар хүмүүст онц эмгэгтэй хувилбаруудыг бүтээж байсан юм. Ийм учраас л Уханий хүрээлэнгээс 500м зайд дэгдэлт гарсан гэсэн албан мэдээ анх цацагдсан байх. Тус хүрээлэнгийн ойролцоо дэгдэлт тархах нь хэн нэгэнд ашигтай байжээ гэж ойлгож болно. Яагаад гэвэл тэнд вирүс бүтээж байсныг бүгд мэднэ.... Тиймээс нэг бол Хятадын лаборатори вирүсээ гадагш алдсан эсвэл хэн нэг нь сэм санаатайгаар халдвар тараасан” гэж профессор П.Чумаков тайлбарлав.