Image description
Арлын энэ оронд ганц бие хөгшид түрээсийн байранд нас барах нь олширчээ, зарим тохиолдолд тэдний биеийг хэдэн өдөр сараар илрүүлэхгүй байдаг аж. Энэ үзэгдлийг “кодокуси” гэж нэрлэсэн. Ганц бие хүмүүсийн ийм үхэл ялангуяа орон сууц түрээсэлдэг компаниудын хувьд том асуудал болжээ. Олон сараар цоожтой өрөөнд хүүр ялзарч өмхийрсний дараа ул мөрийг арилгаж цэвэрлэх амаргүй, маш хэцүү. Бараг өрөөний хананд үнэр нь шингэчихдэг тул асар их зардалтай. Энэ бүх зардлыг ихэнхдээ түрээсийн компаниуд өөрсдөө гаргадаг, дараа нь түрээсийн үнэ 10-20% унадаг юм байна. Иймээс сүүлийн үед ганц бие хөгшдийг эрсдэлийн бүлэг гэж үзээд өрөө, орон сууцаа тэдэнд түрээслэхээ больжээ. Харин риэлторын нэгэн компаний гаргасан шинэ санаа Японы үл хөдлөхийн хөрөнгийн зах зээл дээр үүссэн нөхцөл байдлыг өөрчилж магадгүй. Түрээслэгч компани хөгшдөд орон сууц түрээслэхээс өмнө “үхлийн детектор-ыг байрлуулж байна. Энэ датчик тог цахилгааны зарцуулалтыг хянадаг. 1-2 хоногийн турш хэвийн графикаас өөрчлөгдсөн тохиолдолд төхөөрөмж өөрөө түрээслэгч рүү утастана. Хэрэв хариу өгөхгүй бол шууд байр түрээслүүлэгч рүү цахим захиа илгээж дараа нь тэр орон сууцаа шалгадаг. 
Сонирхуулахад, Япон энэ хавар Ганцаардлын асуудлыг хариуцсан сайдтай болсон билээ. Яагаад гэвэл, энэ улсад ганцаардмал хүмүүс маш их бөгөөд сүүлийн үед амиа хорлолт эрс нэмэгдсэн. 2020 онд л гэхэд амиа хорлолт сүүлийн 11 жилд анх удаа нэмэгдэж 20919 болжээ. Ийм албан тушаал Англид 2018 онд үүссэн, гэхдээ тэнд Спорт, Иргэний нийгмийн сайд нь ганцаардмал хүмүүстэй ажилладаг.