Image description

УИХ 2022 оны Монгол Улсын төсвийг батлахдаа 32 тэрбум төгрөг бурхны хөшөөг баригахад төсөвлөсөн нь  ард иргэд дургүйцлийг нэлээдгүй хүргэж байна. Үнэхээр ч өнөөдрийн нөхцөл байдлаас үзэхэд Монгол Улсад хөшөөнд мөнгө зарцуулахаас илүү хүн ардынхаа эрүүл мэндийн төлөө зориулсан бүтээн байгуулалт хийвэл ард иргэд алга ташин хүлээн авах байлаа. Үүнийг харин УИХ-д суугаа төсөв баталж байгаа эрхэм гишүүд даанч нэг ойлгодоггүй бололтой. Тиймдээ ч олны хэл аманд өртөөд байгаа 32 тэрбум төгрөгөөр бурхан бүтээх үйл ажиллагаанд дахин мөнгө төсөвлөж ядарсан ард иргэдээ доромжилсон шийдвэр гаргаж олон нийтийн сүлжээнд ч иргэдийг чамгүй бухимдуулж байна. Тухайлбал Эрүүл мэндийн сайд Н.Энхболд ч хүртэл өөрийн цахим хуудаснаа энэ төсөв мөнгөөр дутуу баригдсан эмнэлгийн засвар, өдөр шөнийг үл ажран хүн ардынхаа эрүүл мэндийг сайхан хамгаалж байгаа эмч, эмнэлгийн ажилтнуудын ар гэр, амьдрал ахуйд бодит хувь нэмэр оруулах юмсан хэмээн халаглан бичиж байгаа нь УИХ-ын шийдвэр тийм ч цаг үеэ олоогүй төдийгүй бодит амьдралтгүй нийцэхгүй шийдвэр байсан нь харагдаж байна. Нийгмийн энэ их дургүйцлийг УИХ-д суугаа эрхэм гишүүд харин олж харахгүй, сонсохгүй байгаа бололтой.