Image description

ОХУ-ын тоймч В. Волконскийн нийтлэлээс хэсэгчлэн орчуулав.

....Орос гүрний тэргүүн Владимир Путины алхам үйлдлийг урьдаас тааварлах аргагүй. Гэхдээ 3 хувилбар байна. Путин аливаа агуу улстөрч шиг завсарлага хийж чаддаг... Путин зүгээр л айлгаж байгаа гэж Вашингтон найдаж байна. Дэмий найдвар.... Тэд гол зүйлийг ойлгосонгүй, Путин яах гэж энэ бүхнийг хийж байгааг. Хэзээ ч биелүүлэхгүй гэдгийг урьдчилан мэдсээр байж Өрнөдөд тэдгээр шаардлагыг ил тод, зоримог шазруунаар тулган шаардах хэлбэрээр тавихдаа зөвхөн багцаар нь авч үзнэ, ганц нэг заалтыг биелүүлэх төдий биш гээд хариуг заавал бичгээр тэр бүү хэл урьдаас тогтоосон маш богино хугацааны дотор өгөх ёстой гэсэн. Энэ тааврын хариу сүүлчийн өгүүлбэрт бий. Кремльд зөвхөн бичгээр өгсөн хариу хэрэгтэй. Ийм ультиматумыг олон нийтийн өмнө ил тодоор тулгахдаа зөвшөөрүүлэх гэж өгдөггүй. Чухамдаа татгалзсан хариу л Путинд хэрэгтэй, цаасан дээр баталгаажсан хариу шүү. Үүний дараа “Б” төлөвлөгөө хэрэгжих юм. 

....Путиныг үзэн ядаж түүнийг тамын мангас гэж зарладаг бодит байдлаас тасарсан хүмүүст түүний үндсэн мэргэжлийг сана даа гэж зөвлөе. Путины анхны мэргэжил бол олон улсын хуульч, 2 дахь нь тагнуулч. Үүнд л түүний хачин авирлал нуугдаж буй. Орос орны аюулгүй байдлын баталгааг өөрт нь гаргаж өгөхөөс Өрнөд татгалзаж, яагаад татгалзсанаа тайлбарласан хууль ёсны дагуу бүрдүүлсэн баримт л Путинд хэрэгтэй. Үүний дараа Оросын гар бүрэн чөлөөтэй, аргамжаа тайлагдаж буй хэрэг. Аюулгүй байдлын баталгаа гаргаж өгөхөөс татгалзлаа гэсэн хууль  эрх зүйн хүчин төгөлдөр баримт бичгийг цаасаар хүлээн авсан учир одоо Путин эх орноо байгаа бүхнээрээ хамгаалах эрхтэй. Энэ ч харин Орост хангалттай байгаа! Үүнийг Өрнөд ч мэднэ. 

....Байдены авир төрх танд хачин санагдаж байвал зүгээр л Гүүглээс дараах үг, өгүүлбэр бичээд хай: "Циркон" гипер дууны пуужинг амжилттай хөөргөлөө, "Булава" стратегийн балластик пуужин.... Үүний зэрэгцээ Оросын Тэнгисийн цэргийн флот сүүлийн 45 хоногт ямар ямар атомын шумбагч ашиглалтад хүлээж авсныг, бас Агаар, Сансрын хүчин хэзээ гипер дууны пуужингуудтай болсныг ч судалчих. Гэхдээ энэ бүхэн юу ч биш, яагаад гэвэл мэдээж бид хамаг юмаа хэвлэл мэдээллийн хэрэгслэлээр цацахгүй штэ. 

....Сирийн дайны дараа оросуудтай болгоомжтой байх ёстойг америкчууд ухаарсан. Тэд 2015 оны 10-р сарыг мартаагүй. Путины төрсөн өдрөөр Каспийн тэнгист үлээдэг матрацуудаас болж Оросын 26 ширхэг "Калибр" агаарт хөөрч 1500 км туулж Ракка, Дейр-Эз-Зор мужуудад юу ч сэжиглээгүй сууж байсан Аллахын дайчдын толгой дээр унаж тэднийг Дээд тэгэр лүү нь илгээчихсэн, Вашингтоны төлөвлөсөн хугацаагаас хавьгүй өмнө шүү. Гэтэл тэр үед АНУ-ын тагнуулын 17 ширхэг алба хоолой нийлүүлэн Орост ямар ч "Калибр" байхгүй (байсан ч ийм хол радиуст үйлчлэхгүй), тэр бүү хэл тэдгээрийг тээвэрлэх флот ч оросуудад байхгүй гэж Цагаан ордонд итгүүлж байлаа. Вашингтоны газрын зураг дээр байхгүй Каспийн тэнгисийн тухай бүр дурдалтгүй. Энэ бүхэн Цагаан ордонд сууж буй "наранд хэт борлосон" нэгний хувьд маш гэнэтийн явдал болж сүүлийн жилийг нь баллаад хаясан билээ.... Оросын “зэвэрсэн” Калибрыг унтаж өнгөрүүлсэн Лэнглийн муу сурлагатнууд тэгээд Каспийн тэнгис хаа байдгийг судлахаар сургуулийн ширээний ард сууж, дараа нь цусаараа нүглээ наминчлах гэж тэндээс шууд Сирийн фронт руу шууд мордсон доо.

Гэвч Америкийн хувьд аймшиг үүгээр төгсгөл болсонгүй, харин эхэлсэн. Путин ч амтшиж эхэлсэн дээ....  Трамп уг нь Кремлийг зэвсэглэлээр хөөцөлдөх уралдаанд татан оролцуулах гэж оролдож Бага, дунд тусгалтай пуужинг устгах гэрээ, СНВ-III-с гарна гэж айлгасан, гэвч Путин ердийн эелдэг зангаараа “Цөмийн зэвсэглэлийг бууруулах гэрээнээс гарахыг хүсвэл бид дор нь яг адил хариу барина” гэж анхааруулсан юм.

Путин хэлснээ хийдэг, хэрэгжүүлдэг гэдгийг бүгд мэднэ. Даян дэлхийн хүчний баланс маш чухал, гэтэл америкчууд гэтэл үүнийг сүйрүүлэх гэж удаа дараа оролдсоор байгаа. Ийм үед бид хариу үзүүлэх ёстой болсон. Энэ бол америкчуудыг хамраар нь газар хатгуулах гэж ханхалзах хүсэл биш харин даян дэлхийн энх тайвныг барьж тогтоохоос үүдэлтэй хатуу үнэн, бодит шаардлага... Путин бүр 2005 оны 9 сард гипер зэвсэг бүтээх тал дээр Орос технологийн үсрэлт хийсэн гэж дуугарсан даа. Тэгэхэд хэн ч итгээгүй. 2 жилийн дараа Мюнхенд алдарт илтгэлээ тавихад ч тэд итгээгүй. Өрнөд түүнийг шоолж “Путин гэж хэн юм? Түүний дивизүүд хаа байна?” гэж инээлдэж байлаа. Харин жилийн дараа тэд Путины эхний дивизүүдийг харсан, Гүржид. Гэхдээ 2008 оны үйл явдал тэдэнд онц сэтгэгдэл төрүүлээгүй бололтой, яагаад гэвэл 6 жилийн дараа тэд Гүржийн хувилбарыг давтах гэж оролдсон, энэ удаад Украинд. Үүний дараа Путин өрнөдийн “түншүүд”-ээ сайнаар ярихад ойлгодоггүй, тэдэнтэй өөрөөр ярих хэрэгтэй гэдгийг бат нот мэдэж авав.... 2018 онд Путин нөгөө алдарт "хүүхэлдэйн кино"-гоо Холбооны цуглаан дээр үзүүлж харуулсан. Вашингтон шоконд орж.... хэсэг хугацааны дараа сэхээ авмагцаа “Худлаа бурж байна” гэцгээсэн... 

...Плазмын үүлэн дунд бараг сансрын анхны хурдаар бай руугаа нисэн ирж буй галт бөмбөлгийг төсөөл дөө, энэ бол “Авангард”. 2019 оны 12 сараас зэвсэглэлд хүлээн авсан.... Америк биднээс өмнө гипер дууны зэвсэг бүтээж эхэлсэн ч физикийн хуулиудын өмнө бууж өгч хөтөлбөрөө цааш явуулж чадаагүй зогсоов. Харин манай орны суу билэгт эрдэмтэд мухардмал байдлаас гарах аргыг олсон. Физикийн хуулиудын эсрэг! Үр дүнд нь бид гипер дууны глайдертай, ийм зэвсэг манай өрсөлдөгчдөд байхгүй, ойрын ирээдүйд ч тэд хийж чадахгүй. Чухам үүнээс болоод хөгшин Жо тайван унтаж чадахгүй байгаа... Чухам ийм учраас л Путин хүчний байр сууриар Байдентай ярьж байгааг та бүхэн ойлгосон байх. Америкчуудын пуужин зэвсгийн дээд хурд 5-6 Мах. Харин манай “Авангард”... зэргийнх 20 Мах. "Авангард" бол Жо өвөөгийн оюуны чадварыг сайжруулах эм...

Нэг бол тэд биднийг эсвэл бид тэднийг. Иймээс Путин цаашид хүлээж чадахгүй.... Үүний дараа л АНУ-ын Ерөнхийлөгч Кремльтэй хэлэлцээ хийж байгаа билээ. Яриа хэлцээ яаж дуусахыг хэн ч мэдэхгүй, ямартай ч Украины дайнаар л лав биш....

Түүвэрлэж орчуулав, #МЦогзолмаа.