Алдартай дуучин Шакира өөрийн экс нөхөр, хөлбөмбөгчин Жерар Пикийн тухай дуу дуулсан биш Гиннесийн дээд амжилтын номонд 14 удаа бичигдсэн тухай “Just Jared” мэдээлжээ. Шакира ба Аргентины продюсер Bizarrap-н клипийг ганцхан хоногийн дотор 63 сая удаа үзсэн байна. 2023 оны 1 сарын эхээр гарсан шинэ клипийн 14 дээд амжилтаас тоочвол: “Spotify дээр 24 цагт хамгийн их хувилж цацагдсан Латин-Америкийн хит”, “YouTube дээр хоногт хамгийн олон үзсэн клип”, “YouTube дээрх хамгийн богино хугацаанд 100 сая удаа үзсэн Латин-Америкийн видеоклип”, “Испани хэлээр дуулж Billboard Hot 100-н топ 10-д багтсан анхны эмэгтэй дуучин” гэх мэт. Гэхдээ Шакира, Жерар 2 албан ёсоор гэрлээгүй байсан юм. Жерар бүр Шакирагаас салаагүй байхдаа өөрийн продюсерийн компанид ажилладаг 22 настай Клара Чиа Марти гэдэг бүсгүйтэй учир ургуулжээ. Шакира өөрийн дуртай жимсний чанамлын ачаар нөхрөө араар тавьдагийг мэдэж авсан аж. Иймээс 45 настай Шакира “Би 22-той 2 бүсгүйтэй дүйнэ шүү.... "Чи Ferrari” машинаа “Renault Twingo”-гоор солилоо. Чи “Rolex”-г “Casio”-гоор орлуулсан” гэж дуулжээ. Шакира шинэ дуундаа экс нөхрөө төдийгүй хадам, ХМХ, Испаний татварын байгууллагуудыг ч гоочилж тэр бүү хэл Жерарын шинэ амрагийг тамд очно гэснийг доорх клипээс үзнэ үү. 
Сонирхуулахад, клип цацагдсаны дараа Пике шууд эфирт оролцохдоо Шакирад хариу барив. Тэрбээр гартаа “Сasio” цаг зүүж шинэ сонголтондоо огт харамсаагүй гэдгээ түүнд төдийгүй дэлхий дахинд нотлов. Бас нэг сонин дуулгахад, саяхан Жерар Пике шинэ амрагтайгаа зоогийн газарт орох гэтэл хөөж явуулжээ. Энэ газрын эзэн нь Шакирагийн фанат юм байна.