Image description
Израилийн эвслийн засгийн газар төсвийн асуудлаа хэлэлцэх асуудлаар тохиролцоонд хүрч чадаагүйгээс огцорлоо. Ингэснээр энэ улсад сүүлийн 2 жил хүрэхгүй хугацаанд парламентын 4 дэх удаагийн дахин сонгууль явуулах нь тодорхой болжээ. Израилийн Кнессет буюу парламент улсынхаа ирэх 2021 оны төсвийн асуудлыг хэлэлцсэн ч баталж чадаагүй учраас хуулийн дагуу парламент тарж байна. Улс төрчид нэгдсэн шийдвэрт хүрч чадаагүй учраас хуулиар олгогдсон хугацаа дуусгавар болж, огцроход хүрчээ. Ингэснээр Израильд ирэх оны 3-р сарын 23-нд парламентын дахин сонгууль явагдах нь гарцаагүй болсон байна. Израиль сүүлийн 2 жил хүрэхгүй хугацаанд 3 удаа парламентын сонгууль явуулж, улс төрийн энэ үйл явцад бараг тэрбум шекель зарцуулаад байгаа юм. Өмнө нь 2019 оны 4 болон 9-р сард, мөн 2020 оны 3-р сард парламентын сонгууль явуулсан юм.