Image description

"Ноёд" группийн ерөнхий захирал Г.Буяндорж, гэргий, МУГЖ Т.Ариунаа нар үр хүүхдийн хамтаар хэвлэлийн бага хурал зохион байгуулж,  "хонгилын прокуроруудын улмаас бизнесийн 25 жилийн хөдөлмөрийн үр шим болсон 25 тэрбум төгрөгөө алдчихлаа" гэдгийг олон нийтийн сонорт хүргэж улмаар хэлмэгдэгсдийн хөшөөний өмнө суулт зарласан билээ.  

"Ноёд" группийн ерөнхий захирал Г.Буяндорж:

-Миний бие 1996 оноос хойш өнөөдрийг хүртэл 25 жил бизнесийн салбарт ажиллаж байна. Энэ хугацаанд "Ноёд групп" ХХК, түүний охин компани болох "Ноёд констракшин" ХХК-ийг өөрийн хүч хөдөлмөрөөр бүтээн босгосныг бизнесийн салбарынхан төдийгүй Монголын ард түмэн мэднэ. Гэтэл цагдаа, прокурорын байгууллагын нэр бүхий албан тушаалтнууд, өмнө нь  прокурорын байгууллага болон мөрдөн байцаах албанд ажиллаж байсан өмгөөлөгч нарын нарийн кохион байгуулалттай хууль бус үйлдэл, үйл ажиллагааны улмаас миний бие бүлэг этгээдүүдэдкомпаниа дээрэмдүүлж алдчихаад байна. Энэ хэрэг өнөөдрийг хүртэл эцэслэн шийдвэрлэгдээгүй арав дахь жилдээ шалгагдаж байна.

"Ноёд групп" болон охин компани "Ноёд контракшин" ХХК-ийн эзэмшил өмчлөлд байсан 6.5 тэрбум төгрөгийн хөрөнгө болох БЗД-ийн тавдугаар хороонд байршилтай 1.2 га газар, уг газар дээр баригдаж байсан  540 айлын "Сэлэнгэ-888" орон сууцны барилга, түүнд оруулсан 2,5 тэрбум төгрөгийн хөрөнгө оруулалт, нийт 25 тэрбум төгрөгийн үнэлгээтэй үл хөдлөх хөрөнгийг бизнесийн хамтрагч гэх нэр бүхий иргэдэд залилуулсан. Залилуулсан гэдгээ мэдсэн даруйдаа цагдаагийн байгууллагууд гомдол гаргаж шалгуулахад, эсрэгээр нь намайг олон үндэслэлгүй хэргүүдээр удаа дараа шалгаж, 409 хоног цагдан хорьж хэлмэгдүүлсэн. Өдий арван жилийн хугацаанд бүх нотлох баримт байсаар байтал "шалгаж байна" хэмээн удаашруулсаар байна.

Тиймээс энэ хэрэгт оролцохдоо чиг үүргээ хууль бус хэрэгжүүлсэн цагдаа, прокурор, Шүүхийн шийдвэр гүйцэтгэх байгууллагын нэр бүхий албан тушаалтнуудын ёс зүйгүй үйлдэл, үйл ажиллагааг эсэргүүцэн, шударга ёсны зарчмыг баримтлан ажиллахыг шаардаж байна. Мөн шударга ёсыг нэхэж буй шаардлагыг маань холбогдох газрууд хүлээн авч нэр бүхий албан тушаалтнуудад хариуцлага хүлээлгэх хүртэл гэр бүлээрээ суулт хийж, цаашлаад тэмцлийн хурц хэлбэр болох өлсгөлөн зарлахаа мэдэгдсэн. Уг суулт 1 өдөр үргэлжилсэн бөгөөд урлаг соёлын одууд жирийн ард иргэдийн дэмжлэгийг авсан.  Тэд шударга ёсыг шаардаж тэмцэх болсны шалтгаан нь анх 2011 онд БНХАУ-ын иргэн Шан Ду Шэнь гэх хүний нэхэмжлэлээр Г.Буяндоржийн ах дүү болох нийт таван хүнд хэрэг үүсгэжээ. Түүнээс хойш 16 удаагийн шүүх хурал болж, Г.Буяндоржийг 409 хоног цагдан хорьсон байна. Энэ зуур 2014 онд мөнөөх Шан Ду Шэнь нутаг буцсан бөгөөд өнөөг хүртэл 10 жил өнгөрөхөд энэ хэргийн учир зангилаа тодорхойгүй, чухам л эзэнгүй хэрэг, хохирогчгүй хэрэгтэн болжээ. Есөн жил шалгуулж, 16 удаагийн шүүх хурлын ард гарсны эцэст Шан Ду Шэнь хохирогч бус болохыг тогтоож, Чингэлтэй дүүргийн шүүх 2020 онд уг хэргийг дахин мөрдөн байцаалтанд буцаасан юм байна! Эндээс юу харагдаж байна вэ гэхээр өмнөх 10 жилийн турш, 16 удаагийн шийдвэр гаргасан шүүгчид яагаад иргэн Г.Буяндоржийг удаа дараа ялласаар ирсэн байдаг вэ гэдэг ноцтой асуудал хүссэн ч хүсээгүй ч урган гарч ирж байгаа юм!!! Иргэн Г.Буяндорж хонгилын прокурор хэмээн нэр бүхий прокуроруудын нэрлэж тэднийг шалгахыг шаардаж байгаа ч олон удаа ялалсаар ирсэн шүүгч нарыг огтоос дурдахгүй байгаа юм. Энэ нь олон дайсантай нэгэн зэрэг тэмцэхэд хүч нь хүрэхгүй байх гэсэн болгоомжлол, өөрийх нь бас тактик байхыг үгүйсгэхгүй. Харин миний хувьд хонгилын шүүгч, прокурортой нь хамт нэгэн зэрэг тэмцэх нь илүү үр дүнтэй, бодитой болох байх гэж бодож байна. Урлаг соёлын алдартнуудаас эхсүүлээд олны танил, олон дагагчтай эрхэмүүд олноороо очиж дэмжихээ илэрхийлсээр байгаа, ард иргэд ч уухайлан дэмжиж байна. Тэр хонгилтой нь уг үндсээр нь тэмцвэл засаг төр ч хөдөлж магадгүй. НҮБ-ын хүүхдийн илч дуучин Ариунаа гавъяат маань хонгилыг нураах эх оронч тэмцлийн дууч шувуу байх тавилантай юм болов уу хэмээн бодогдож эхлээд байна шүү. Иргэн Г.Буяндоржийг яагаад бүхэл бүтэн 10 жил үндэслэлгүйгээр яллаад байсан юм бэ гэдэг асуултыг нэр бүхий прокуроруудаас гадна 16 удаа төрийн нэрийн өмнөөс шүүсэн, тасалсан шүүгчдээс нь бас асуух хэрэгтэй! Хонгилын гэх прокурорууд гүйцэтгэгсэн бол эцсийн шийдвэрийг шүүгчид гаргадаг. Тиймдээ ч шүүх засаглал гэж байдаг болхоос прокуор засаглал гэж байдаггүй. Төрийн нэрийн өмнөөс алх цохидог шүүгчдэд хамгийн том эрх мэдэл нь байдаг.

1 хүн, сууж байгаа болон зогсож байгаа гэх мэтийн зураг байж болно