Image description

2021 оны зун Японы Токио хотод зохион байгуулагдах зуны Олимпийн наадамд оролцохгүй гэж Умард Солонгос мэдэгдсэн хэмээн “Рёнхап” агентлаг дамжууллаа. Умардын эрх баригчид өнөөдөр дэлхийг нөмрөн авсан Цар тахлаас өөрийн тамирчдаа хамгаалах зорилгоор ийм шийдвэр гаргажээ. 2020 онд зохиогдох байсан Токиогийн Олимп коронавирүсийн Цар тахлаас болж хойшлон 2021 оны 7-р сарын 23-наас 8-р сарын 8-нд явагдахаар болсон билээ.

Энэ жилийн Олимпийн нэг онцлог нь гадаадын үзэгчид, хөгжөөн дэмжигчидгүй явагдана. Токиогийн Олимпийн наадмыг зохион байгуулах хороо нь Олон улсын Олимпийн хороо, Олон улсын Паралимпийн хорооны тэргүүнүүдтэй уулзаж ярилцсаны дараа ийм шийдвэрт хүрчээ. “Японы тал маань COVID-19-ын тархалтаас сэргийлэн гадаадын үзэгчид, хөгжөөн дэмжигчдийг улс орон руугаа нэвтрүүлэхгүй гэж мэдэгдсэн хэмээн дээрх шийдвэрийг ОУОХ тайлбарлалаа.

Сонирхуулахад, Солонгос улсуудын Эв нэгдлийн яам 4 сарын 1-нд мэдэгдэл хийхдээ “Умард ба Өмнөд хамтарч 2032 оны Олимпийн наадам явуулах хүсэлтээ Олон улсын олимпийн хороонд илгээсэн” гэсэн. Энэ санал бол 2 орны төлөөлөгчдийн уулзалтын үр дүн, манай Яам цаашид ч Умардтай төлөвлөгөөгөө хэлэлцэх арга замыг хайх болно гэж 2 Солонгосын Эв нэгдлийн яам мэдэгдсэн. Анх энэ саналыг Сөүл гаргасан гэж дэлхийн ХМХ мэдээлж байна. Дашрамд дурдахад,  2032 оны Олимп болох улсыг 2025 он гэхэд тодруулж батална. Энэ Олимпийн эрхийн төлөө өөр нэг хот өрсөлдөж байгаа, Австралийн Брисбен.