Италид “Формула 1” тэмцээний Гран При болсны дараа “Ferrari” багийн нисгэгч Карлос Сайнсыг дээрэмдсэн тухай “Ansa” мэдээллээ. Энэ тэмцээнд Испаний тамирчин, 29 настай Сайнс 3-р байранд орсон бөгөөд харин “Red Bull” багийн нисгэгч Макс Ферстаппен ялалт байгуулж "Ред Булл" багийн Серхио Перес удаалжээ. Милан хотын төвд орших зочид буудлаас Сайнс гарч явах үеэр гэнэт үл таних 3 этгээд түүн рүү халдаж 300 мянган долларын үнэтэй цагийг нь дээрэмджээ. Дээрмийн үеэр алдартай нисгэгчийн дэргэд байсан хүмүүс түүнийг таньж туслахаар дээрэмчдийн араас гүйлээ. "Тамирчин эр өөрөө ч бас тэдэнтэй цуг дээрэмчдийг элдэн хөөсөөр байж өөрийн цагаа эргүүлэн олж авч чадлаа. 3 дээрэмчнийг эргүүлийн машинтай цагдаа нар баривчилсан. Тэд бүгд Марокко улсаас ирсэн дүрвэгчид бөгөөд 18 ба 19, 20 настай" хэмээн "Sky Sport Italia" мэдээлэв.