Алдарт хөлбөмбөгчин Лионель Месси одоо Америкийн “Интер Майами” багт тоглож байгаа билээ. Тэрбээр 10,8 сая доллараар Флоридын зүүн өмнөд эрэг дагуу орших Форт-Лодердейл хотод тансаг харш худалдаж авчээ. Форт-Лодердейл хот бол Майамигаас 37км зайд байрладаг ба “Интер Майами” клубын бааз энд байдаг юм байна. Далайн эрэг дээр орших энэ харш гаднаа усан хөлгийн зогсоолтой, 975 м2 талбайтай. Энд усан сан, унтлагын өрөө 8, усны өрөө 9, спа өрөө, мэдээж тренажерын танхим бий, бас 3 автомашины гарааштай. Сонирхуулахад, Мессийн байшин нь “Драйв Пинк” цэнгэлдэх хүрээлэн ба “Интер Майами” клубын сургуулилтын баазаас 8км зайд байрладаг. 
Месси энэ клубт шилжин ирснээс хойш 11 тэмцээнд оролцож 11 гоол оруулж 5 үр дүнтэй дамжуулалт хийжээ.