Манай гарагийн өнөө үеийн агуу хөлбөмбөгчдийг нэгэн талбай дээр тоглохыг харах боломж олдлоо. Португалын довтлогч, 37 настай Криштиан Роналдо саяхан Саудын Арабын “Аль-Насра” багт шилжин очсон тухай манай сайт өмнө мэдээлсэн. Тэрбээр багийн ахмад болсон ба энд ирснээс хойш анхны тэмцээндээ орох гэж байна. Гэхдээ энэ удаа тэдэн дээр Саудын “Аль-Хилал” багийн хөлбөмбөгчид нэмэгдэж тоглох аж. Мэдээж, Саудын Арабын шигшээ багийн Салем Аль-Даусари, Сауд Абдулхамид нар оролцоно. Тэд ДАШТ дээр гайхамшигтай сайхан тоглож хөгжөөн дэмжигчдээ баярлуулсан билээ. 
Үзүүлэх тоглолт хийх эсрэг баг нь “Пари Сен-Жермен". Дэлхийн алдарт энэ багт дэлхийн аварга, Аргентины хөлбөмбөгчин 36 настай Лионель Месси тоглодог гэдгийг бүгд мэднэ. 
“Riyadh Season Cup” тэмцээн 1 сарын 19-нд болно гэж зохион байгуулагчид гэж мэдэгдлээ. Удаан хүлээсэн энэ тэмцээнийг явуулахын төлөө 2 сая гаруй онлайн өргөдөл хүсэлт ирсэн юм. Тэмцээний "төсөөллөөс чанад" VIP тасалбар дуудлага худалдаан дээр 2,66 сая доллар давж дээд амжилт тогтоолоо. Дуудлага худалдаа өнөөдөр хаагдана.