Английн хөлбөмбөгчин, Испани улсын “Real Madrid”  клубын хагас хамгаалагч Жуд Беллингэм өнөөдөр “CIES Football Observatory” хэмээх хөлбөмбөг дэх спортын судалгааны олон улсын төвөөс гаргасан хамгийн үнэтэй хөлбөмбөгчдийн жагсаалтыг тэргүүллээ. Жуд Беллингэмийн үнэ ханш өнөөдөр 267,5 сая евро хүрсэн аж. 2-р байранд “Манчесетер Сити” клубын довтлогч Эрлинг Холанд бичигдэв. Норвегийн энэ тамирчны үнэ 251,2 сая евро болсон. Харин 3-р байранд орсон “Реал Мадрид”-ын хөлбөмбөгчин Винисиус Жуниорын үнэ 250,3 сая евро юм байна. Өнөөдөр хамгийн үнэтэй хөлбөмбөгчдийн жагсаалтын 4-рт мөн л Мадридын тоглогч Родриго Гоэс 247,9 сая евро бичигдлээ. Айргийн тавыг сүүл мушгисан хөлбөмбөгчин бол Лондоны “Арсенал” клубын Букайо Сака. Тэрбээр 223 сая еврогийн үнэ ханштай аж.