Итали улсын Турин хотод 4 сарын 28-30-нд “Их долоо” бүлгийн Эрчим хүчний болон Цаг уур, хүрээлэн буй орчны сайд нар хуралдсан тухай “Reuters” агентлаг мэдээллээ. “G7” бүлэгт Итали, АНУ, Англи, Франц, Герман, Канад, Япон гэсэн 7 орон багтдаг билээ. 2035 он гэхэд “G7” бүлгийн гишүүн орнуудад нүүрсний цахилгаан станцуудыг хаах боломжтой эсэх тухай асуудлыг сайд нар авч хэлэлцжээ. Гэхдээ “Их долоо” бүлгийн орнуудаас нэг нь энэхүү санаачилгыг эрс эсэргүүцсэн аж. Чухам аль орон болохыг одоогоор нууцалж байна.
Итали улсын сайд энэ хуралдаан дээр “Эрчим хүчний салбарт нүүрс ашиглахыг хориглох тодорхой хугацааг товлох тал дээр манай бүлгийн бүх орон санал нэгдэх ёстой” гэж мэдэгдэн бусад орноо ятгажээ. 
Харин АНУ-ын Төрийн нарийн бичгийн даргын эрчим хүчний асуудал хариуцсан туслах Жеффри Пайетта өмнө нь энэ сэдвээр үг хэлэхдээ “G7 бүлгийн гишүүн орнууд аажим аажмаар Орос улсын цөмийн түлшээс татгалзах ёстой” гэж мэдэгдсэнийг “RT” агентлаг дамжуулав.
#МЦогзолмаа орчуулав.