Дэлхийн домогт хөлбөмбөгчин, “Интер Майами” клубын довтлогч Лионель Месси “Муу залуус 4” киноны сурталчилгаанд тоглож шуугиан тарилаа. Мэдээж "Bad Boys" цуврал киноны гол дүрийн жүжигчид болох Холливудын алдартнууд Уилл Смит, Мартин Лоуренс нар ч бичлэгт оролцов. Киноны сурталчилгааны видеог Америк улсын Флоридын өмнөд нутагт авчээ. “Муу залуус” алдарт цуврал киноны 4-р хэсгийн дэлхийн нээлт 2024 оны 6 сарын 7-нд болохоор зарлагджээ. "Bad Boys"-ын анхны анги 1995 онд гарч дэлхий даяар 141,407,024 доллар олсон бол 2-р ангийг 2003 онд олны хүртээл болгож 273,339,556 долларын орлого цуглуулсан. Харин "Муу залуус 3" анги 2020 онд цацагдаж дэлхий даяар 426,505,244 долларын орлого олсон юм.