Хятад улсын Юньнань мужийн Аньнин хотод "иддэг сарнай" ургуулж дэлбээгээр нь төрөл бүрийн хүнсний бүтээгдэхүүн үйлдвэрлэдэг тухай “Жэньминь жибао” мэдээллээ. Эндхийн Бацзе районыг “сарнайн хотхон” гэдэг. Яагаад гэвэл, энд "иддэг сарнай"-г нийт 2175 айл өрх, ААН тарьж ургуулдаг аж. Тус нутгийн "иддэг цэцгийн" тариалангийн нийт талбай 397,07 га болжээ. “Манай иддэг сарнай гоё сайхан төдийгүй амттай. Түүгээр жигнэмгийн хачир хийхэд гайхалтай” хэмээн тус районы Сянлянь тосгоны Ли Зян ярилаа. Бацзе районд "иддэг сарнай"-н тариалалт болон боловсруулалт, худалдаа идэвхтэй хөгжиж байна. Эндхийн 24 үйлдвэр өдөрт 200 гаруй тонн цэцгийг боловсруулах хүчин чадалтай. Зөвхөн 2023 онд 3343 тонн ийм цэцэг боловсруулж жигнэмгийн хачир, ундаа, хатаасан цэцэг, хөлдөөсөн сарнай, масло зэрэг. 30 гаруй бүтээгдэхүүн үйлдвэрлэсэн  ба боловсруулсан хүнсний бүтээгдэхүүний нийт өртөг 20,15 сая доллар хүрчээ.