Эрдэмтэд түлшний сайжруулалтын судалгаанд Тавантолгой түлш ХХК-тай хамтран ажиллахаар болов. 
2025 оны 3дугаар сарын 7-нд Шинжлэх Ухааны Академийн ерөнхийлөгч С.Дэмбэрэл Тавантолгой түлш ХХК-ийн гүйцэтгэх захиралын үүрэг гүйцэтгэгч Ц.Эрдэнэбаяр нар хамтран ажиллах санамж бичигт гарын үсэг зурлаа.
Хамтын ажиллагааны хүрээнд хийгдэх судалгаа боловсруулалтын ажлуудад ШУА-ийн Хими, Химийн Технологийн хүрээлэнгийн судлаачид голлон, "Шахмал түлш үйлдвэрлэх үндсэн түүхий эдийг “Эрдэнэс Тавантолгой” ХК-ийн Баяжуулах үйлдвэрээс гаргаж буй эрчим хүчний баяжуулсан нүүрсээр солих, шинэ түүхий эдэд тохирсон барьцалдуулагчийг бий болгох, түүнд тавигдах техникийн шаардлагыг тодорхойлох, байгууллагын стандартыг шинэчлэн сайжруулж, батлуулах” зэрэг чиглэлүүдээр хамтын ажиллагааны гэрээ байгуулан ажиллана.