"Эрдэнэс Тавантолгой” ХК "Эрдэнэс Монгол” нэгдлийн 2023 оны шилдэг аж ахуйн нэгжээр шалгарч 100 сая төгрөгөөр шагнуулсан юм. Тус компанийн захирлын зөвлөл нийгмийн хариуцлагын хүрээнд шагналын 100 сая төгрөгийг Эх хүүхдийн эрүүл мэндийн үндэсний төвийн Хүүхдийн эмнэлэгт олгох шийдвэр гаргажээ.  

Өдөрт 1000 орчим үзлэг, томуугийн улиралд өдөрт дунджаар 2000 хүүхдэд амбулаторийн үзлэг хийдэг ЭХЭМҮТ-ийн Хүүхдийн эмнэлэгт энэ нь маш том дэмжлэг болсныг эмнэлгийн ажилтнууд ярьж байлаа.