….Авлигын талаар Л.Оюун-Эрдэнийн хэлсэн эшлэлүүд ....Оюук амаа цангатал, онцолбол бүр 2015 оноос авлигын тухай ярьж эхэлжээ. Түүний хэлсэн үгнүүдийг тоймлон хүргэе
-1990-ээд оны үед Гааль хамгийн их авлигад автагдсан гэж нэрлэгддэг, 2000 оны эхэн үед газрын алба, уул уурхайн салбар их авлигад автсан гэсэн, харамсалтай нь сүүлийн 2-3 жил улс төрийн нам өөрөө хамгийн их авлигад автсан гэж ард иргэд үзжээ./2015 он/
-Монгол Улс эдийн засгийн хямрал биш, энэ бол эрхтэн дархтануудын шуналын хямрал. Авлигачид өөрсдөө төрийнхөө хуулийг зохиогоод төрийнхөө системээр авлигын бүтцийг бий болгодог. /60 тэрбумын үед/
-Улс төрийн намууд хуулийн зохицуулалтаар ААН-ээс 10 сая, хувь хүнээс 2 сая. ААН-ээс 10 тэрбум, хувь хүнээс 100 сая авбал яах вэ. Тэр хүмүүст барьцаалагдана, засгийн эрх авахад...
-Монгол төрийн бодлого ордонд биш хэсэг компаний оффисын өрөөнд шийдэгддэг ийм тогтолцоо 65 суудал авсан ч үргэлжлээд байгаа нь “Эрдэнэт үйлдвэр” дээр харагдсан учраас би энэ тогтолцоог эсэргүүцэж гарын үсэг зурсан. Наанаа нам нам гэвч цаанаа өөр намтай эвсээд хууль хяналтын байгуулагыг авсан мафижсан бүтэц өнөөдрийг хүртэл үр хөврөл нь хөврөөд байгаа учраас би эсэргүүцэж байна. /2017 он/
-Да.Ганболд гуайгаас асууя. Хуулиар Монголбанк зээл өгч болдог юм уу? Хувийн хэвшил бизнес хийнэ гэдэг төрийн эрх мэдлийг Ерөнхий сайдтай нь барьцаалж байгаад зөвхөн өөртөө хууль бусаар давуу байдал үүсгэнэ гэсэн үг биш шүү. Ардчилал эрх мэдэл, эд хөрөнгө хэт цөөнхид төвлөрөх биш, ардчилал гэдэг хүн бүхэнд нээлттэй өрсөлдөөнийг өгөөд хуулийн засаглал дор хамтдаа амьдрах нийгэм. /Эрдэнэтийн 49 хувийн асуудлын талаар хэлсэн үг/
-Монгол Улсад хууль биш хувь хүн засагладаг нийгэм рүү оржээ. Хууль хяналтын байгууллагуудыг шүүхтэй нь нэг банк барьцаалж, стратегийн ордуудыг цөлмөж, төрийн гурван өндөрлөг нь Аюулгүй зөвлөлийн хурал дээр хоорондоо үг солихгүй бичгээр харьцаж байсан нөхцөл байдалд орсон байсан шүү... Энэ цаг мөчийг битгий мартаарай.
-Нүүрсний наймаанд прокурорууд орчихсон.., АТГ улс төрийн салбадай болчихсон байсан шүү...Ийм хариуцлагатай үед томилогдлоо. Энэ хүлээлтэд хүрч чадахгүй бол та 2 ажлаа өгөх өдөр ирнэ шүү. Авлигачдад цэг тавигдах өдөр ирдэг гэдгийг харуулах ёстой шүү. /АТГ-ын даргын томилгооны үеэр чуулганд хэлсэн үг/
-Авлига албан тушаалын хэргээр ял авсан хүн 4-5 жилийн дараа буцаад төрийн албанд дарга болдог тогтолцоог хүлээн зөвшөөрөх боломжгүй. Тэрбум төгрөгийн авлига авсан хүн 100 сая төгрөг өгөөд ялаас мултардаг байдлыг өөрчилж, олон улсын жишигт нийцүүлнэ. Ялын бодлого авлига дээр илл чанга байх ёстой. Авлига авсан хүн сайхан амьдарч болно гэж буруу жишиг болно.
-1,5 сая төгрөгийн цалинтай төрийн албан хаагч 570 унаж, 2 давхар хауст амьдарч, улирал болгон гадаадад зугаалж, казино тоглож байгааг 5 сая төгрөгийн хувийн хэвшлийн шилдэг менежерүүд юу гэж ойлгох вэ? Сингапурын тогтоцоонд байгаа цалингаасаа хэтэрсэн тансаг хэрэглээтэй төрийн албан тушаалтныг хэрвээ хөрөнгө орлогоо нотолж чадахгүй бол хөрөнгийн асуудлыг цэгцлэх эрх зүйн шинэчлэлийг хийнэ.
-Төрийн албан хаагчид авлигаас ангид байх ёстой, цалин өндөр байр ёстой. Төрийн хаагчидтай холбоотой орлогоо нотолж чадахгүй буй албан хаагчидтай хатуу тэмцэнэ. ЗГ шийдвэр гаргаж тодорхой хугацаа өгнө, авлигаар хөлжсөн хэт өндөр хэрэглээтэй төрийн албан хаагчидтай хяналт тавина. Ялангуяа газартай холбоотой асуудлыг ил болгоно. Төмөр зам, тээвэр ложистик, боомттой холбоотой дарга нарт хэлэхэд болгоомжтой байгаарай. БОАЖЯ-ны газар зардаг улс, Монголбанкны газрын дарга нар ББСБ-аа больцгоо, татан буулгацгаа. Удахгүй ЗГ-ын хуралдаанаар шийдвэр гаргаад УИХ, ЗГ-ын гишүүд энэ бүх ашиг сонирхлоос ангид байх хуулийг хамтдаа хэлэлцэнэ, үүнийг УИХ-ын гишүүд дэмжиж баталж өгөхийг хичээнгүйлэн хүсье. Ингэвэл хамтдаа хяналт тавина, бүх алдааг цэгцэлнэ, энэ бүх далд эдийн засгийг ил болгож бүх зүйл цэгцэрнэ. Өнгөрсөн хугацаанд гарсан алдааг хэн нэгэнд наах нь чухал биш. Гагцхүү цаашдаа ололт дээр тулгуурлан алдаагаа засаад цоо шинэ 30 жил эхлэх нь бидний хамтын зорилго. Энийг хамтдаа ёс зүйн өндөрлөг дээр хамтдаа хийх нь чухал шүү...