ОХУ-ын Ерөнхийлөгч Владимир Путин өнөөдөр Белоруссын тэргүүн Александр Лукашенкотой уулзлаа. Энэ үеэр Путин “Умард Солонгосын сайн дурынхныг Орос улс цэргийн тусгай ажиллагаандаа оролцуулж байна гэсэн мэдээлэл цацагдаж байгаа нь үнэхээр утгагүй, дэмий чалчаа яриа. Украин энэ зөрчилд гадаадын хөлсний цэргүүдийг маш ихээр оролцуулж байгаа. Харин манай улсад гадны хүмүүсийг байлдааны ажиллагаанд урьж оролцуулах шаардлага байхгүй. 300 мянган оросууд сайн дураараа Цэргийн тусгай ажиллагаанд оролцох өргөдлөө өгч бүртгүүлсэн. 300 мянган хүн өөрийн хүсэлтээр ирж гэрээ байгуулсан гэдгийг дахин онцлон тэмдэглэе.Манай эрчүүд эх оронч үзэлдээ хөтлөгдөн ирж гэрээт алба хашиж байгаа. Үнэхээр биширч хүндэлдэг.... Тэр бүү хэл бид шинээр бүрдсэн анги нэгтгэлүүдээ орчин үеийн зэр зэвсэг, байлдааны техникээр хангаж дуусч байна. Зарим нь 85-90% бүрдчихээд байна" гэж мэдэгдлээ.
#МЦогзолмаа орчуулав.