Украины Ирээдүйн хүрээлэн байгууллага 2022 оны 2 сарын эхээр хүн амын тоо 37,6 сая гэж зарласан. Гэхдээ украинчууд бөөн бөөнөөр гадагшаа Европ руу гарч явсаар байгаа. Европ тивийн орнуудад одоо Украины 8,6 сая хүн амьдардаг гэсэн тоо бий. Үүн дээр дайны үеийн гарз хохирол нэмэгдэнэ. 
ОХУ-ын экс Ерөнхийлөгч, Аюулгүйн зөвлөлийн дэд тэргүүлэгч Дмитрий Медведев Украины хүн амын талаарх санал бодлоо нийгмийн сүлжээнд хуваалцжээ. “2001 онд Хүн амын тооллогоор Украины хүн ам 48,5 сая байлаа. Энэ хүмүүсийн нилээд нь гадаадад ажиллаж амьдардаг ч Украинд бүртгэлтэй байсан юм. Крым, Донбасс 2014 онд Украинаас салан тусгаарлаж анхны цохилт өгөв.... 2022 оны 2 сараас хойш 5,2 сая украинчууд Орост шилжин очжээ. Өмнө байсантай нийлээд одоо 7,1 саяд хүрчээ. Гадаадад байгаа ний украинчуудын тоо 17,9 саяд хүрнэ. Энэ бол 2023 онд тоологдсон хүн амын 50% буюу XXI зууны эхэн үеийн 40% гэсэн үг. Тиймээс Киевийн дэглэмийн хяналтад байгаа газар нутагт ердөө 19,7 сая украинчууд л үлдсэн” хэмээн Д.Медведев мэдэгдэв. 
Нэмж өгүүлэхэд, ОХУ-ын Батлан хамгаалахын сайд Сергей Шойгу өчигдөр мэдэгдэл хийхдээ “8 сард манай армийн амжилттай ажиллагааны дүнд Украины амссан гарз хохирол бараг 21 мянгад хүрлээ. Тодруулбал, 20824. Мөн байлдааны 2227 ш зэвсэг техникийг устгасан. Үүнд: Leopard танк 10 ш, АНУ-ын Bradley 11 ш, АНУ-ын М777 их бууны 40 систем, мөн Англи болон АНУ, Герман, Франц, Польшийн өөрөө явагч их бууны төхөөрөмж 50 ш. Өрнөдийн нийлүүлж байгаа зэр зэвсэг тулалдааны талбарт амжилт авч ирээгүй, зөрчлийг удаашруулахаас цаашгүй. Манай Зэвсэгт хүчин Украины армийг алхам ч урагшлуулаагүй. Ореховын чиглэлд хамгаалалт сэтлэх гэсэн Украины өргөн цар хүрээтэй оролдлого бүтэлгүйтсэн. Цэрэг офицерүүддээ хандаж баярлаж талархсанаа дахин илэрхийлье. Бид өнөөг хүртэл ийм хүчтэй дайралттай тулгарч байгаагүй. Манайхан Краснолиманы чиглэлд Ковалевка, Сергеевка тосгоныг, Купяны чиглэлд Молчановка төмөр замын станцыг хяналтандаа авч чадлаа” хэмээжээ. 
#МЦогзолмаа орчуулав.