Европын холбооны 9 оронд “Euroskopia” санал асуулга явуулсан тухай “Euroactiv” мэдээллээ. Гэтэл европчуудын бараг тал нь Украины газар нутгаас өгөөд ч болов энэ дайныг дуусгахад бэлэн гэж хариулжээ. Тодруулбал, асуулгад хамрагдсан хүмүүсийн 48% нь  “Украины дайныг аль болох хурдан дуусгахын тулд тус орны хилийн дээсийг өөрчлөх хэрэгтэй” гэжээ. Европчуудын зөвхөн 32% нь ийм  үзэл бодлыг зөвшөөрөхгүй гэж хариулсан байна. Дэлгэрүүлж үзвэл, “Украины дайныг хурдан дуусгах хэрэгтэй” гэж Германы иргэдийн 60%, Австрийн иргэдийн 64% нь үзсэн. Энэ үзүүлэлт Грект 54%, Италид 50%, Испанид 50%, Португалд 41% байв. Үүний зэрэгцээ Украины дайн дажныг үргэлжлүүлж Киевийн дэглэмд байлдааны зэр зэвсэг,  танк техник  нийлүүлж туслахын төлөө Европын холбооны иргэдийн 56% саналаа өгчээ. Харин энэ тоо Испанид бүр өндөр буюу 61% байна.