“Бензин, дизель түлшний экспортыг хориглох тухай Орос орны шийдвэрээс болж өвлийн өмнө түлшний нийлүүлэлт доголдож болзошгүй. Гэхдээ энэ шийдвэр хэр ноцтой уршиг дагавар тарих нь хориг үргэлжлэх хугацаанаас хамаарна. Хэдий оросууд  хоригоо хугацаагүй гэж зарласан ч удаан үргэлжлэхгүй байх. Яагаад гэвэл, агуулах хадгалах сав дүүрэхээр Орос дахиад экспортоо сэргээнэ, эсвэл нефть олборлолтын хэмжээг багасгана гэж  “Energy Aspects” компаний Коэн Уэсселз нарын шинжээчид үзэж байна. “Vortexa” компаний мэдээлснээр Орос бол далайгаар түлш экспортлогч хамгийн том орон бөгөөд энэ жил хоногт 1 сая гаруй баррель нефть нийлүүлж байгаа. Германыг бүхэлд нь хангах хэмжээний түлш ойрын хугацаанд зах зээлээс хасагдах болно. Нийлүүлэлт тасалдах, үнэ өсөх нь зөвхөн нефтийн худалдаачид, ачааны машины жолооч нарт хамаатай биш ээ. Дизель түлшээр бас хөлөг онгоцууд, галт тэргүүд ч ажилладаг. Энэ түлшийг бас хөдөө аж ахуй, аж үйлдвэрлэл, барилгад ашигладаг. Товчхондоо дизель түлш бол дэлхийн эдийн засгийн аварга том хэсгийг “тэжээдэг”... Энэ хоригийн дараа Баруун хойд Европт “ICE Gasoil Crack” маркийн дизель түлшний үнэ өсч 1 баррель нь 37 доллар давлаа. Орос экспортоо хориглох тухай зарламагц дизель түлшний дэлхийн нийлүүлэлт маш ноцтой дарамтад орлоо...” гэж “Bloomberg” бичжээ.