Америкийн Ардчилсан намаас Ерөнхийлөгчид нэрээ дэвшүүлсэн Роберт Кеннеди “Би Ерөнхийлөгчийн албан тушаалд очсоноос хойш 100 өдрийн дотор Украины дайныг дуусгаж чадна гэж амлаж байна. Тэр бүү хэл би энэ дайныг хүмүүсийн хүлээж байснаас ч илүү сайн нөхцлөөр дуусгавар болгоно” хэмээн мэдэгдлээ. Тэрбээр өмнө нь өөрийн орны ХМХ, Ерөнхийлөгч Байденыг эрс шүүмжилсэн. “Та нар фронт дээрх Украины Зэвсэгт хүчний байдлын талаар бодит бус буруу мэдээллийг АНУ-ын олон нийтэд түгээдэг. Харин одоо “Washington Post” хүртэл нөгөө учиргүй сурталчилсан Украины сөрөг довтолгоо бүтэлгүйтэж баларсныг хүлээн зөвшөөрлөө. Гэхдээ л та нар Украины арми сүйрлийн ирмэг дээр дэнжигнэж буй үнэнийг америкчуудад хэлэхгүй байна... Байдены неоконсерваторууд (тухайлбал Төрийн департаментын тэргүүн Энтони Блинкен зэрэг) энхийн гэрээ байгуулахын тулд Украины сөрөг довтолгоо дампуурсан тухай зарлаж зүрхлэх эсэхийг би мэдэхгүй. Эсвэл тэд сонгуулийн жилд өөрсдийгөө аврахын тулд хүчин чармайлтаа 2 дахин нэмж улмаар хүн төрөлхтөн цөмийн дайнд устах цагийг улам ойртуулж ч мэднэ... “F-16” сөнөөгч онгоцыг Украинд нийлүүлэх шийдвэр уг нь АНУ-ын батлан хамгаалах салбарт сайн. Гэвч энэ бол Украин төдийгүй манай гарагийн хувьд аюул сүйрэл. Тэгээд ч Америкийн байлдааны сөнөөгч онгоцууд үнэндээ Украиныг аварч чадахгүй эээ” гэж Роберт Кеннеди шүүмжилсэн юм. НАТО-н тухай тэрбээр “Манай Америкийн улстөрийн тоглоом л Украины дайныг дэгдээсэн... Хэрэв Оростой нүүр тулж мөргөлдвөл НАТО сөнөнө, яагаад гэвэл гишүүн орнууд бүгдээрээ үүнд бэлэн биш. Хэн ч Оросын эсрэг байлдахыг хүсэхгүй байна” гэж мэдэгдсэнийг “GB News” дамжуулав.
#МЦогзолмаа орчуулав.