ОХУ-ын Ерөнхийлөгч Путин "Бүх түшмэд, төрийн албаныхан зөвхөн өөрийн оронд үйлдвэрлэсэн авто машин унахыг үүрэгдэж байна. 2024 оны 2 сараас өмнө үүнийг хэрэгжүүлэхийг Засгийн газар, Тамгын газартаа даалгаж байна" гэж 9 сард мдэгдсэн. Дашрамд дурдахад, Орос 2,5 сая түшмэдтэй юм байна. Энэ явдлаас 14 хоногийн дараа ОХУ-ын парламентын Доод танхим –Төрийн Дум хуралдаад “Ард түмнээс сонгогдсон депутатууд зөвхөн Орост үйлдвэрлэсэн авто машин унах ёстой" гэсэн хуулийг санал нэгтэй баталжээ. Спикер Вячеслав Володин “Бид өөрсдөө эхэлж эх орныхоо машиныг унаснаар бусдад үлгэр дуурайлал болно. Ийм шийдвэрийн ачаар Оросын авто машины үйлдвэрлэл хөгжиж төсвийн мөнгө хөрөнгө дотооддоо үлдэнэ. Шийдвэр эхнээсээ хэрэгжиж эхэлсэн” гэж ярилаа. 
Оросын Аж үйлдвэрлэл, худалдааны яам өчигдөр түшмэдийн унах машины жагсаалтыг гаргаснаа зарлав. Энд Оросын “Lada”, “Aurus”, “УАЗ”, “Москвич”, “Evolute” брэндээс гадна Хятадын “Haval” багтсан. Хятадын эдгээр машиныг Орост угсардаг юм байна. Нэмж өгүүлэхэд, оросууд сүүлийн үед Хятадын машин их унадаг болжээ. 
Lada: Vesta, Vesta SW Cross, Granta, Niva Travel, Niva Legend.
УАЗ: Патриот, Пикап, Профи, Хантер, СГР.
Aurus: Senat, Komendant.
“Москвич”: 3, 3е, 6.
Evolute: I-Pro, I-Joy, I-Sky.
Haval: Jolion, Dargo, F7/F7x, H9.