Франц улсын “Distance” спортын бараа, гутлын дэлгүүр өөрийн барааг хулгайлж зугтахыг зөвшөөрөв. Гэхдээ 2 болзолтой, зөвхөн тусгай тэмдэглэгээтэй барааг хулгайлна бас дэлгүүрийн хамгаалагчаас зугтааж амжих ёстой. Тэгсэн цагт брэндийн бараа таных болно. “Rob It to Get It” арга хэмжээг зарласан өдөр тус дэлгүүрийн хамгаалагчаар Францын алдартай гүйгч Микаэль Зезе ажиллажээ. 
Микаэль Зезе бол 100 метрт Европын 2 удаагийн мөнгөн медальтан. Түүний хувийн амжилт 9,99 секунд, энэ нь Дэлхийн аварга Усэйн Болтын амжилтаас 0,41 секундээр бага. 
Алдартай тамирчин энэ өдөр 74 “хулгайч”-ийг барьж чадав. Гэхдээ л 2 үйлчлүүлэгч үнэгүй пүүзтэй болж амжсан. Тэд бяцхан заль хэрэглэж бараа авч зугтсан хэн нэгний хойноос Зезе элдэж гүйж байх хооронд пүүз шүүрээд зугтсан юм байна.