Хятад гүрний Коммунист намын Сахилга батын Төв комисс ба Улсын Хянан шалгах хороо хамтарсан тайлан гаргажээ. “2023 онд 626 мянган гэмт хэргийг илрүүлж 610 мянган түшмэдийг шийтгэлээ. Тэдний 49 нь сайд ба мужийн түвшнийх байсан. 2023 онд иргэдээс 3,5 сая гаруй өргөдөл, хүсэлт гомдол ирэв. Үүний 1 сая гаруй нь гомдол байлаа” хэмээн тус тайланд дурджээ. Хятадын Коммунист нам гэмт хэрэг үйлдсэн түшмэдийг донгодох, намаас хөөх, Прокурорын газарт шилжүүлж эрүүгийн хэрэг нээх, бүх өмч хөрөнгийг улсад хураах, хорих, Эрүүгийн хуулийн дагуу цаазлах хүртэл арга хэмжээ авдаг юм байна. 
#МЦогзолмаа орчуулав.