Аргентин улсад эсэргүүцлийн жагсаал цуглаан үргэлжилсээр байна. Ерөнхийлөгч Хавьер Милейн өөрчлөлт, шинэчлэлийн бодлогыг эсэргүүцсэн жагсаалын үеэр Буэнос-Айрес хотод 15 хүн бэртэж шархадсан тухай “C5N” телевиз дамжууллаа. "Эсэргүүцлийн ажиллагаанд оролцогчид дуу дуулж бөмбөр цохиж уриа лоозун хашгирч байсан, гэхдээ авто замыг хааж боогоогүй. Аргентины шинэ хуулиар жагсагчид хэрэв авто замыг хааж машин тэрэг явуулахгүй саад тотгор учруулбал хүч хэрэглэхийг зөвшөөрсөн юм. Гэтэл тэднийг хөөж тараахын тулд цагдаа нар резинэн сумаар буудсан... гэж орон нутгийн зарим ХМХ мэдээллээ. Харин “TN” телевийн мэдээлснээр энэ үеэр 3 хүнийг баривчилсан ба мөн 3 цагдаа шархаджээ.
Нэмж өгүүлэхэд, Ерөнхийлөгч Хавьер Милей "шок эмчилгээ" гэж нэрлэсэн 300 гаруй төрлийн өөрчлөлт шинэчлэл хийж эхэлсэн билээ.