Америк гүрний Конгрессын Төлөөлөгчийн танхим өчигдөр Хятадын нийгмийн сүлжээ “TikTok”-г хориглов. Тус танхимын гишүүд “Тик Токийг хориглох тухай” хуулийн төслөөр санал хураалт явуулахад 352 нь дэмжиж 65 нь эсэргүүцжээ. Уг хуулийн төслийг Төлөөлөгчдийн танхимын эрчим хүч, худалдааны хороо хуулийн төсөл боловсруулж Бүгд найрамдах намын Майк Галлахер, Ардчилсан намын Ража Кришнамурти нар өргөн барьсан аж. Америк дахь “ТикТок” сүлжээг эзэмшдэг "ByteDance" компанид 6 сарын хугацаа өгсөн юм байна. “Тэд энэ хугацаанд сүлжээг эзэмших эрхээсээ татгалзаж зарах ёстой, эсрэг тохиолдолд “Тик Ток” -г АНУ-д бүрэн хориглоно” гэж конгрессмэнүүд тайлбарлав.
Сонирхуулахад, ТикТокийг хориглоно гэсэн америкчуудын мэдэгдэлд Хятад улс өмнө нь хариу өгөхдөө “АНУ өөрөө Пандорагийн хайрцгийг нээх хэрэггүй гэж бид сэрэмжлүүлье. Эсрэг тохиолдолд Вашингтонд гашуун уршиг дагавартай шүү!” гэж анхааруулсан билээ. "TikTok"-г 2017 онд Хятадын "ByteDance" компани бүтээсэн ба хятад хувилбар нь "Douyin" юм байна.
Нэмж өгүүлэхэд, 170 сая америкчууд ТикТок-той юм байна. Америкийн ганцхан муж "ТикТок"-г хориглосон тухай манай сайт өмнө нь мэдээлсэн билээ. Монтана мужийн амбан захирагч Грег Жанфорте 2023 оны 5 сарын 17-нд уг сүлжээг хаах тушаалд гарын үсэг зурсан шалтгааны талаар тайлбар хийхдээ “Хятадууд энэ сүлжээгээ тагнуулын мэдээлэл цуглуулахад ашигладаг” гэж мэдэгдсэн юм. Тус мужид энэ хууль 2024 оны 1 сарын 1-нээс хүчин төгөлдөр хэрэгжиж буй. Харин "Rozetked" бичихдээ "TikTok бол тагнуулын сервис, таны тухай мэдээллийг цуглуулдаг. Тэр бүү хэл таны хаа очсон зэрэг мэдээлэл ч тэнд бий. "Twitter", "Facebook", "Instagram", "Reddit" зэргийн аль нь ч энэ "TIkTok" шиг асар их мэдээлэл цуглуулдаггүй" хэмээжээ.
#МЦогзолмаа орчуулав.
“TikTok”-г Америкт хориглов
Санал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
-
TVL: Европ бол АНУ-ын 51 дэх муж болжээ2 цаг 23 мин
-
Ихэнх нутгаар дулаарна11 цаг 40 мин
-
“Dubai Reefs” нээгдлээ2024-04-26
-
Килиан Мбаппе хувийн рекорд тогтоолоо2024-04-26
-
Энэтхэгт муур аврах гээд 5 хүн амиа алдав2024-04-25
-
ЭРДЭНЭС ТАВАНТОЛГОЙ ХК МЭДЭГДЭЛ ГАРГАЛАА2024-04-25
-
Хятад: Тайванийг зэвсэглэхээ АНУ боль!105 үзсэн
-
“Dubai Reefs” нээгдлээ88 үзсэн
-
Израиль ба Германы зөрчил улам гаарлаа0 сэтгэгдэл
-
Нидерланд илүүдэл жуулчидтайгаа тэмцэж эхлэв0 сэтгэгдэл
-
Ихэнх нутгаар хүчтэй салхи, шороон шуургатай0 сэтгэгдэл
-
Хятад: Тайванийг зэвсэглэхээ АНУ боль!0 сэтгэгдэл
-
Байден: Миний ахыг Шинэ Гвинейд идчихсэн0 сэтгэгдэл
-
Эрүүл мэндэд тустай чихэвчийг оросууд бүтээжээ0 сэтгэгдэл
-
УБ-т шөнөдөө -1 градус, өдөртөө +5 градус0 сэтгэгдэл
-
ЭРДЭНЭС ТАВАНТОЛГОЙ ХК МЭДЭГДЭЛ ГАРГАЛАА0 сэтгэгдэл
-
Энэтхэгт муур аврах гээд 5 хүн амиа алдав0 сэтгэгдэл