Украины Ерөнхийлөгч Владимир Зеленский хэдхэн хоногийн өмнө Англи улсад тансаг харш худалдаж авсан тухай “London Crier” мэдээллээ. Зүгээр нэг харш биш бүр Англи улсын хаан III Чарльзын өмч “Highgrove House”-г. III Чарльз хаан ширээнд залраагүй байхдаа Хайгроув хауст гэр бүлтэйгээ олон жил амьдарч байсан юм, тодруулбал 1980 оноос хойш. Дайн дажинтай Украины тэргүүн Зеленский энэхүү наймаандаа 20 сая фунт стерлинг зарцуулсан гэж Английн ХМХ бичиж байна. "2024 оны 2 сарын 29-нд Зеленскийн эхнэр Англид ирэх үеэр  энэ наймаа явагдаж Талууд гарын үсгээ зурсан тухай хааны ордонд ажиллаж байсан Грант Харрольд мэдэгдлээ. Түүнээс гадна “Highgrove House”-д ажиллаж байсан өөр хэдэн хүн энэ мэдээллийг баталсан. Хааны ордон 3 сарын 21-нд ихэнх ажилчдаа халжээ... Зеленскийн эхнэр Елена өөрөө биечлэн дотоод засал чимэглэлийн ажлыг удирдаж хийлгэсэн гэж тэд ярилаа. Хааны тансаг харшаас гадна эргэн тойрны цэцэрлэгт хүрээлэн, 6 гектар газар бүхэлдээ Украины тэргүүний мэдэлд шилжжээ" хэмээн “London Crier” сонины нийтлэлд дурджээ. 
Зеленскийн гэр бүл өмнө нь Италийн Форте дель Марми амралтын хотод шилтгээн худалдаж авсан тухай мэдээлэл цацагдсан. Түүнчлэн Елена Зеленская Лондон хотод орон сууцтай ба эцэг эх нь Израильд хувийн байшинтай тухай ХМХ мэдээлсэн удаатай. 
#МЦогзолмаа орчуулав.