Перу улсын эрх баригчид “Транссексуализмыг сэтгэцийн өвчинд тооцох тухай” тушаал гаргасныг тус орны “El Peruano” сонин нийтэлжээ. Энэхүү тушаалын ачаар үнэгүй эмнэлгийн тусламж үзүүлэх сэтгэцийн асуудалтай иргэдийн хүрээ тэлж байгаа аж. Тус жагсаалтад транссексуализмаас гадна трансвестизм зэрэг бэлгийн гажуудалтай хүмүүс багтжээ. Перугийн Эрүүл мэндийн яам “Манай улс бол Олон улсын өвчний ангиллын 10-р хувилбарыг дагаж мөрддөг. Түүнд зааснаар транссексуализм ба жендерийн дисфорийг "насанд хүрсэн хувь хүний зан чанар ба авир үйлдлийн эмгэг" гэж ангилсан юм" хэмээн мэдэгдлээ. 
Эрх баригчдын шинэ тушаалыг сөрөг хүчний зарим депутат эсэргүүцэв. Депутат Сусель Паредес “Би Перугийн Эрүүл мэндийн яаманд хандан 009-2024-SA тоот тушаалаа цуцлахыг уриалж байна. Энэ бол трансжендер хүмүүсийг гутаан доромжилж ялгаварлан гадуурхаж буй хэрэг” хэмээжээ.