Тажикистан улсын Эрүүгийн хуулинд шинэ зүйл анги нэмэгдсэн тухай тус орны ХМХ мэдээлэв.  “Мэргэ төлөг үйлдэх, далдыг харах, ид шидийн увидас үзүүлэх, бөөлөх зэрэг үйлдлийн төлөө захиргааны хариуцлага хүлээлгэнэ. Хэрэв түүнээс хойш 1 жилийн дотор дээрх үйлдлийг давтсан тохиолдолд эрүүгийн хэрэг үүсгэж яллана” гэж шинэ 240-р зүйл ангид заажээ. Түүнчлэн тус орны эрх баригчид торгуулийн хэмжээг нэмэгдүүлж мөнгөгүй бол хорих ялаар оруулна гэжээ. Гэхдээ торгуулийн хэмжээ хэд болсон тухай, мөн ямар хугацаагаар хорихыг олон нийтэд ил зарласангүй. Тажикистанд өмнө нь мэргэ төлөг, ид шид хэрэглэхэд 2880 -3600 сомоний ($264 - $330) торгууль ногдуулдаг байсан. Харин хэргийг давтан үйлдвэл 4320 - 7200 сомониор ($396 -$660) торгох хуультай байв. Тажикистаны Дотоод хэргийн яам 4 сард гаргасан мэдэгдэлдээ “Манай зарим иргэний ухамсрын түвшин доогуур байна. Сүүлийн үед тэдний сүсэг бишрэлийг буруугаар ашиглах явдал их гарч ард иргэд их хохирч байгаа учраас мэргэч төлөгч, юм үздэг хүмүүсийг 6 сар хүртэл албадан хөдөлмөр эрхлүүлэхээр шийдлээ” гэж зарласан билээ. 
#МЦогзолмаа орчуулав.