Сайн дураараа эх орон руугаа буцахыг хүссэн Украин улсын дүрвэгчдийн тээврийн зардлыг төлөхөөр болсон тухай Чехийн эрх баригчид мэдэгдлээ. “Украин хүртэл автобусаар зорчих тасалбарын мөнгийг төрөөс тэдэнд олгоно. Мөн өвдсөн украинчуудыг Түргэн тусламжийн машинаар зөөвөрлөж хүргэх болно. Одоогоор 400 дүрвэгч, 30 өвчтөний зорчих төлбөрийг төлнө гэж тооцоолсон. Уг хөтөлбөрт 5,5 сая крон зарцуулахаар төлөвлөж байна” хэмээн Чехийн Дотоод хэргийн яам мэдэгдлээ. "Дотоод хэргийн яамаас хэрэгжүүлж буй энэ төсөл 6 -11 сарын хооронд үргэлжилж украинчууд ганц л удаа хамрагдах боломжтой” хэмээн “Czech Radio” дамжуулав. 
Нэмж өгүүлэхэд, Чехэд одоогоор дүрвэгчийн бүртгэлтэй Украины 339 мянган иргэн амьдарч байна. 
#МЦогзолмаа орчуулав.