“Германы армид цэрэг асар их дутагдалтай байгаа. Үүнтэй холбогдуулан мөн дайн дажин дэгдсэн тохиолдолд бэлэн байхын тулд Бундесвер одоо нөөц хүчээ нэмэхээр төлөвлөж байна... Одоо Германы цэргийн бэлтгэл хүч 44 мянга орчим. Цаашид энэ тоог нэмэгдүүлж 60 мянгад хүргэж тэднийг сургаж дадлагашуулахыг Батлан хамгаалах яам хүсчээ. Улмаар шаардлагатай үед Германы армийг бэлтгэл хүчний эрчүүд ба эмэгтэйчүүдийн тусламжтайгаар “хүчитгэж” хариу цохилт өгөхөөр эрх баригчид зорьж байна” хэмээн Герман улсын “Der Spiegel” сэтгүүл бичжээ.
“Бэлтгэл, нөөц хүчийг орчин үеийн аюулгүй байдлын бодлогод зохицуулан бүрэн бэлдэх ёстой гэж би үздэг. Яг хүйтэн дайны үеийнх шиг бэлтгэлийг хангаснаар тэд дайны үеэр манай арми, Зэвсэгт хүчнийг дэмжих буюу орлож чадах юм” хэмээн Бэлтгэл хүчний асуудал хариуцсан ерөнхий зааварлагч, дэслэгч генерал Андреас Хоппе мэдэгдэв.
Бундесвер одоо 181,4 мянган цэрэгтэй, гэхдээ сүүлийн үед тоо нь тогтмол багассаар байгаа. Ийм учраас Германы эрх баригчид 2031 он гэхэд цэргийнхээ тоог 203 мянгад хүргэхийг зорьж байна. Харин “НАТО” эвсэл 272 мянга гаруй цэрэгтэй болохыг Германаас шаарддаг гэсэн нууц баримтыг сэтгүүлчид дэлгэжээ.
Дашрамд дурдахад, Герман 2011 оноос цэрэг татлагаа албан ёсоор зогсоосон билээ.
#МЦогзолмаа орчуулав.
Der Spiegel: Герман дайнд бэлдэж 60 мянган цэрэг татна
Санал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
-
Төсөл хэрэгжүүлж эхэлснээр гэмт хэргийн илрүүлэлт 41,9 хувиар өсчээ.Уржигдар 19 цаг 27 мин
-
Үерт автсан айл, өрхүүдэд туслав2024-10-15