“Европарламентын сонгуулийн дүнг урьдчилсан байдлаар зарлалаа. Барууны, хэт баруун намууд өнөөдөр Европ даяар ялалт байгуулжээ. Тэд Франц, Герман, Итали, Австри, Нидерланд, Унгарт ялж либерал болон ардчилсан намуудыг түгшүүрт автуулав” хэмээн “France 24” агентлаг мэдээллээ. Жишээлбэл, Европарламентын сонгуульд Герман улсын “Германы альтернатив нам” хэмээх барууны хүчин 2 –р байранд орж сонгуулийн 400 тойргийн 362-т ялжээ. Харин канцлер Олаф Шольцийн нам 3-т орлоо. Францад сөрөг хүчний Ле Пен  ялж Ерөнхийлөгч Макрон ээлжит бус сонгууль явуулахыг уриалав. Бельгий Ерөнхий сайд огцорсноо зарласан. Италийн сонгуульд Жоржи Мелони 30% авч тэргүүлж явна. Австрийн Эрх чөлөөний нам 27%-иар ялсан. 
Сонирхуулахад, Америкийн экс тагнуулч Эдвард Сноуден энэхүү сонгуулийн талаар “Дайныг дэмжигч улстөрчид Европын холбооны сонгуульд ноцтой ялагдал хүлээж хатуу шийтгүүллээ. Энэ бол Байдены хувьд муу ёр. Ер нь дэлхийд энхтайвныг тогтоох шинэ боломж гарч ирсэн бололтой” хэмээжээ. 
“Европын холбооны хүн ам сэтгэл дундуур байгааг сая явагдсан парламентын сонгуулийн үр дүн гэрчилж байна. Гэхдээ Европын улстөрчид сонгууийн үр дүнгийн нөлөөгөөр үзэл бодлоо өөрчлөх нь юу л бол, иймэс тэд “улстөрийн хүүр” болж хувирдаг.... Сүүлийн үед Европт хэт барууны хүчин улам бэхэжсэн. Үүнийг улс орнуудын өнгөрсөн сонгууль, Европарламентын сонгууль харууллаа, мөн ирээдүйн сонгуулиуд ч иймэрхүү үр дүнтэй өндөрлөх шинжтэй... Энэ жижиг намууд бол сөрөг хүчний намууд... Тэд чимээгүйхэн, аажмаар улстөрийн чухал хүчин болж хувирч байна” хэмээн ОХУ-ын олон улсын шинжээч Наталья Ерёмина ярилаа. 
#МЦогзолмаа орчуулав.