Мельбурны хааны технологийн их сургуулийн (RMIT University, RMIT Australia) эрдэмтэд дэлхийн 10 орны иргэдийн дунд асуулга явуулж секси, хувийн чанартай гэрэл зургуудыг нийтэлнэ гэсэн сүрдүүлэгт өртөж байсан эсэхийг асуусан байна. Өөрөөр хэлбэл, бэлгийн дарамт болон секс шантаажийн золиос болж байсан эсэхийг тодруулжээ.
Гэтэл Өмнөд Солонгосын иргэд ийм шантаажид хамгийн их өртдөг болох нь асуулгаар илэрлээ. Түүнчлэн иймэрхүү сүрдүүлэг Мексик, Америк, Австрали зэрэг оронд өргөн тархсан юм байна. Тэр бүү хэл Бельги, Дани, Франц, Нидерланд, Польш, Испани зэрэг Европын орнуудад ч энэ үзэгдэл байдаг тухай асуулгад оролцогчид дурджээ. Зарим нь бүр өөрсдөө шантаажилж байснаа хүлээн зөвшөөрөв.