Ливаны далдыг харагч Лейла Абдуллатиф: 
* 2024 онд Украины дайн дуусч АНУ-д иргэний дайн эхэлнэ. 
* Ковидтой төстэй шинэ вирүс 2024 онд дэлхийгээр тархана. 
* Ойрын ирээдүйд Хятад ба Америк хоорондоо дайтна. 
* Саудын Арабын хунтайж Мухаммед бен Салманы санаачилгаар арабын ертөнц нэгдэнэ. 

Английн экстрасенс Крейг Гамильтон-Паркер: 
* 2024 онд АНУ, Италид хүчтэй газар хөдөлнө. Англи болон Европын олон оронд их үер бууна. Үүнд Герман хамгийн их өртөнө. Австралийг аварга том цунами нөмөрч авна.
* 2025 он дуустал бид бартаат хэцүү замаар гэлдэрнэ. 2026 оноос эерэг, таатай үйл явдлууд цуварна. Анагаах ухаан хорт хавдрыг бас Альцгеймерийн өвчнийг эмчилж чаддаг болно. Хиймэл оюун гайхалтай хөгжинө. 

Медиум, экстрасенс Сьюзан Роулен:
* Солонгосын хойгт, мөн Ойрхи Дорнодын нөхцөл байдал муудна. 
* Олон орон Европын холбооноос гарах шийдвэр гаргана. 
* Хиймэл оюун ойрын 4 жилд боловсрол, анагаах ухааны салбарт өргөн хэрэглэгдэж эхэлнэ. 

Английн далдыг харагч Николя Ожула:
* Ерөнхийлөгчийн сонгуулийн өмнө Дональд Трамп асар хүчирхэгжинэ. Тэр АНУ-ын дараачийн ерөнхийлөгч болно. 
* Хэт барууны үзэл дэлхий даяар "газар авна", хүмүүс хүнлэг, энэрэнгүй байдлаа алдаж байна. 
* 2024 онд олон орон ургац алдах тул хүнсний хомсдол нүүрлэнэ. 
* Англи хүнд сорилт, саад бэрхшээлтэй тулгарна. Засгийн газар ба хааны гэр бүлтэй холбоотой дуулиан дэгдэнэ.  
* Нефтийн үнэ өсч доллар суларна, үүний улмаас амьжиргааны өртөг улам ихэснэ. 

Бразил улсын экстрасенс Атос Саломе: 
* Дэлхийг хамарсан том зөрчил дайн дэгдэнэ, гэхдээ энэ нь Украин эсвэл Ойрхи Дорнодтой хамаагүй. Шалтгаан нь Өмнөд Хятадын тэнгист болох үйл явдал, эсвэл асар том кибер халдлага байна. 
* Байгалийн гамшиг ойр ойрхон тохионо. АНУ болон Африк, Дундад Дорнодод гал түймэр, ган гачиг, үер болно. Ялангуяа Өмнөд Судан, Сомали, Йемэн байгалийн гамшигт хамгийн их өртөнө. 
* Барууны орнуудын нутагт астероид унана (маш үнэ цэнэтэй материалуудтай). Орос, Хятад 2 энэ "тэнгэрийн биет"-ийн нууцыг олж мэдэх гэж их хөөцөлдөнө. Улмаар дэлхийн орнуудын сансрын төлөөх “уралдаан” улам эрчимжинэ. 
* Дэлхийчүүд удахгүй харь гарагийнхантай холбоо тогтооно. Бид телескопын сүлжээний тусламжтай кодолсон сигнаалаар харийн соёл иргэншилтэй харьцана. 
#МЦогзолмаа орчуулав.