Исламын ертөнц өнгөрсөн амралтын өдрөөс “Курбан байрам” (тахил өргөх) баяраа тэмдэглэж эхэллээ. Энэ өдөр дэлхийн өнцөг булан бүрд суугаа олон зуун сая мусульманчууд малаар тахил өргөдөг юм байна. Курбан байрамын үеэр сүсэгтнүүд хонь болон ямаа, үхэр, тэмээ, одос үхэр зэрэг малаар тахил өргөдөг уламжлалтай. Хамгийн гол нь энэ баярын үеэр малаар тахил өргөхөөс гадна ядууст өглөг өгч тусалдаг ажээ. Курбан байрам баяр 6 сарын 16-наас 20 хүртэл үргэлжилдэг ба зарим улс оронд амралтын өдөр болгон тэмдэглэдэг. 
“Курбан-байрам баярын үеэр орон даяар 16 мянган хүн тахилын малыг нядлах үеэр шархадсан байна. Тодруулбал Анкарт 1274, Стамбулд 840, Измирт 416 хүн гэх зэргээр эмнэлэгт ханджээ. Үүний шалтгаан нь мэргэжлийн бус хүмүүс мал нядалгаанд оролцож байна” хэмээн Туркийн Эрүүл мэндийн сайд Фахреттин Кожа мэдэгдлээ.