Энэ хавар аадар бороо, их үерт өртсөн Дубай 30 тэрбум дирхам буюу 2,7 тэрбум доллараар сүрэл дэвсэх төсөл хэрэгжүүлэхээр шийдсэн тухай “Reuters” агентлаг мэдээллээ. Өөрөөр хэлбэл, Дубай энэ мөнгөөр борооны ус зайлуулах системээ сайжруулах юм байна. Сануулахад, энэ оны 4 сард Арабын Нэгдсэн Эмир улсад сүүлийн 75 жилд тохиогоогүй маш хүчтэй аадар бороо орж үерлэн асар их гарз хохирол учирсан билээ. Персийн булангийн аялал жуулчлалын, ажил бизнесийн төв гэгддэг Дубай хотын амьдрал тэгэхэд бүрэн зогссон гэж хэлж болно. Авто зам болон айлын гэр орон, дэлгүүр хоршоо усанд живж сүйдсэн. Тэр бүү хэл манай гарагийн хамгийн өндөр ачаалалтай олон улсын нисэх буудал нь хаагдсан юм. 
АНЭУ-ын Засгийн газар тухайн үед аадар бороо, их үерийн уршиг дагаврыг арилгахад 2 тэрбум дирхам буюу 544,6 сая доллар зарцуулжээ.