Мальдив улсын Ерөнхийлөгч Мохамад Муииз Засгийн газрынхаа нэг сайдыг өөрийнх нь эсрэг хар дом ашиглаж амь насанд минь халдахыг завдсан гэж буруутгажээ. Тус орны Байгаль орчны сайд Фатима Шамназ уг нь Мальдив улсдаа алдар нэртэй, олны хүндэтгэл хүлээсэн бүсгүй. Гэтэл түүнийг төр засгаас урвасан хэргээр Мальдивын тусгай албад 6 сарын 23-нд баривчилжээ. “Шамназ сайд хар дом ашиглаж улсын Ерөнхийлөгчийн амь насанд халдахыг оролдсон, мөн 2 бүсгүйг хамсаатнаар уг хэрэгтээ татан оролцуулсан. Гэхдээ хууль сахиулах байгууллагынхан хэрхэн яаж хар домчин сайдын хэргийг нотолсныг мэдээлсэнгүй. Ариун сүнс зааж өгсөн юм болов уу? Хар дом гэсэн ийм зүйл анги энэ улсын Эрүүгийн хуулинд байхгүй. Харин шашны зүгээс хар домыг хамгийн хүнд гэмт хэрэг гэж тооцдог” хэмээн “Sun” бичжээ. Ямартай ч улсын Ерөнхийлөгч Муиизу амьд үлдэж харин сайдыгаа өргөст торны цаана хорьжээ.
Сонирхуулахад, ноднин Мальдивын нийслэл Мале хотод нэг бүсгүйг хар дом хэрэглэсэн гэж хөнөөсөн хэрэг гарсан. Ямар ч шүүх хурал мөрдөн байцаалтгүй бөөн хүмүүс өөрсдөө түүнийг цааш харуулчихжээ. Харин одоо тус орны тусгай албад ийм хэргийг илрүүлсэн тухай мэдээллээ.