Эрдэнэс Монгол” нэгдлийн харьяа “Эрдэнэс Алт Ресурс” ХХК-ийн 2024 үйл ажиллагааны болон санхүүгийн тайланг хэлэлцэн батлах хувьцаа эзэмшигчдийн хурал 2025 оны дөрөвдүгээр сарын 25-нд болжээ. 

"Эрдэнэс алт ресурс" ХХК нь 2024 оны батлагдсан бизнес төлөвлөгөөнийхөө хүрээнд тавьсан 9 зорилтын 272 арга хэмжээ, мөн толгой компаниас өгсөн 59 зөвлөмж, үүрэг даалгаварыг 86.7 гүйцэтгэлтэй хэрэгжүүлсэн байна гэсэн нэгдсэн дүгнэлтийг “Эрдэнэс Монгол” нэгдлээс өгчээ. 

Тус компани нь өнгөрөгч онд 2,539.8 мян.м3 уулын цул, 2,252 мян.м3 хөрс хуулалт хийж, 745.4 мян.тн хүдэр олборлон, 14,494 тн мөнгөний баяжмалыг 405.9 тэрбум төгрөгөөр борлуулснаар төлөвлөгөөт орлогоо 120 тэрбум орчим төгрөгөөр давуулж ажиллажээ. Энэ нь орлогоо өмнөх оныхоос 41 хувиар өсгөсөн амжилт юм байна. 

Хувьцаа эзэмшигчдийн хуралд “Эрдэнэс Монгол” нэгдлийн хууль зүйн зөвлөлийн зохицуулагч Б.Гэрлээ,  Захиргаа удирдлагын газрын дарга Б.Пүрэвсүрэн, Нэгдсэн стратеги санхүүгийн удирдлагын газрын дарга Б.Батбаяр болон "Эрдэнэс Алт Ресурс" ХХК-ийн удирдлагууд оролцсон байна.