“Америк одоо Украины дайныг царцаахыг хүсч байна, улмаар энэ дайн дажныг олон жил, бүр хэдэн арван жилээр үргэлжлүүлж яг Солонгосын хойг шиг нөхцөл байдал бий болгохоор төлөвлөж байна....  Украины дайн Оросын хувьд 2 дахь Афганистан болж хувирна гэж Америкийн Ерөнхийлөгч Жо Байдены захиргаа их найдаж байна. Солонгосын иргэний дайн 1950 онд эхэлж эцсийн дүнд нь энэ орон задарч улмаар Өмнөд ба Хойд гэсэн 2 улс үүссэн. Солонгосчууд уг нь 1953 онд Гал зогсоох хэлэлцээрт гарын үсэг зурсан, гэвч одоо хүртэл дайн дууссан гэрээ байгуулаагүй.... Гэхдээ АНУ аргагүйн эрхэнд Украиныг “солонгос загвар” болгож хувиргах гэж байгаа юм биш, энэ зүгээр л тэдний хүсч буй хэлбэр. Вашингтон анхнаасаа л энэ дайныг дуусгахыг хүсээгүй. Чухам Вашингтон л Лондонтой хамтарч өдөөн хатгалга хийсний дүнд Киев, Москва 2-ын хэлэлцээрийн ширээний ард суух оролдлого бүрийг бүтэлгүйтүүлж ирсэн.... АНУ бас Хятадын гаргасан санаачилгыг үл тоомсорлодог.... Америкчууд түүнчлэн Киевт улам бүр хүчирхэг зэр зэвсэг, байлдааны техникүүдийг нийлүүлсээр байгаа, тухайлбал “F 16” сөнөөгч онгоцууд. Энэ бүхнээс дүгнэхэд, АНУ үнэндээ ОХУ-тай удаашруулсан дам дайн хийж байна, улмаар тэд Украины дайныг Оросын хувьд 2 дахь Афганистан болгож хувиргахаар төлөвлөжээ. Украин өөрийн алдсан газар нутгаа дайн байлдааны замаар хэзээ ч буцаан авч чадахгүй хэмээн АНУ үздэг. Иймээс энэ дайныг асар олон жилээр үргэлжлүүлбэл Орос орон суларч доройтон улмаар Путин цагаан туг өргөхөд хүрнэ гэж Америк тооцоолж байна” хэмээн Турк улсын “Yeni Safak” сонин бичжээ. 
#МЦогзолмаа орчуулав