“Голландын гүн ухаантан, хуульч Ева Влардингербрук улстөр -даяаршлын элитүүдийг шүүмжилжээ. Шведүүд бол аймхай үндэстэн учраас цагаачдын балмад танхай үйлдлийн эсрэг тэмцэхээс айдаг гэж тэрбээр хэлсэн.... Ева Влардингербрук өмнө нь ч элитүүдийн дэвшүүлсэн цаг ууртай холбоотой  санаа санаачилгыг шүүмжилж бүр коммунизмтай зүйрлэж байсан юм" хэмээн “SwebbTV” дамжууллаа. “Цөөн хэдхэн, нөлөө бүхий элитүүд ердөө хагас зуун ч хүрэхгүй хугацааны дотор өөрийн цагаачлалын бодлогоор Европыг устгаж чадлаа. Манай элитүүд үнэндээ манай тивийг танигдашгүй болтол ухамсартайгаар сүйрүүлж байна.... Өнөөдөр Шведэд ч яг ийм нөхцөл байдал бий болж шведүүд аймхай үндэстэн болж хувирчихжээ. Ихэнх хүмүүс одоо юу ч хийдэггүй., эрх баригч элитүүдийн бодлогын эсрэг тэмцдэггүй. Тэдний хувьд өөрийн үр хүүхдүүд ба эх орныг хамгаалж босох чухал биш, харин “арьс өнгөний үзэлтэн” гэсэн хоч зүүхгүй байх л чухал” хэмээн Голландын философч, хуульч Ева Влардингербрук бичжээ. Тэрбээр нийтлэлдээ Францад сүүлийн үед их түгсэн нэгэн бичлэгийг хавсаргажээ. Нийгмийн сүлжээг шуугиулж буй уг бичлэг дээр цагаач эр шууд л бяцхан охин ба бүсгүй рүү дайрч байна. "Швед даяар дээрэм тонуул, хүч хэрэглэсэн гэмт хэрэг маш их гарч байна. Стокгольмын мафиудын гишүүдийн 98% нь цагаачид, цагаачдын үр удам. 2020 онд “Expressen” сонин судалгаа явуулахад гэмт бүлэглэлүүдийн толгойлогчид бүр 100% цагаачид байсан" гэж “SwebbTV” телевиз онцлон тэмдэглэв. . 
Эдийн засгийн ухааны доцент Ян Тульберг “Шведүүд сайн үйлс бүтээхийг илүүтэй эрхэмлэдэг. Энэ  мэдээж үндэстний хувьд, ирээдүй үеүдэд сайн хэрэг. Шведүүд аль хэдийн аймхай үндэстэн болчихсон. Хатуу чанга “гарууд” алга болчихсон. Тэд ядаж л зөв зүйлийн төлөө үндэслэлтэй тэмцэх байсансан. Гэвч одоо сэтгэлийн хөдөлгөөнтэй гөлгүүд л манайхаар дүүрэн байна” хэмээжээ. 
#МЦогзолмаа орчуулав.