“Манай гарагийн шилдэг 100 их, дээд сургуулийн жагсаалт “QS World University Ratings 2024” нийтлэгдлээ. Хятадын 5 их сургууль энэ шилдэг 100-д багтжээ. Хятадын их, дээд сургуулиуд сүүлийн 3 жилд судалгааны салбарт байр сууриа дээшлүүллээ” хэмээн “Жэньминь жибао” сонин мэдээлэв.
QS Quacquarelli Symonds” агентлаг 20 дахь удаагаа энэ рейтингээ нийтэллээ. Энэ жил 2 үзүүлэлт шинээр нэмсэн: ажилд орсон байдал ба үргэлжилсэн хөгжил. “QS World University Ratings 2024” рейтингт Америкийн 199 их сургууль, Английн 91 их сургууль, Хятадын 71 их сургууль багтжээ.
“QS” жагсаалтад Бээжингийн их сургууль 17-д орсон бол Цинхуа их сургууль 25-р байранд бичигдсэн төдийгүй Азидаа 3-т жагссан байна. Мөн Жэцзяны их сургууль 44, Фуданий их сургууль 50-д, Шанхайн Тээврийн их сургууль 51-р байранд оржээ. Үүний зэрэгцээ Хятад улс судалгааны нөлөөллийн жагсаалтад нөгөө 2 орныг ардаа хол орхив. Энэ тал дээр Хятадын 12 их сургууль эхний 50-д, харин 18 их сургууль нь эхний 100-д багтлаа.