“Германчуудын 80% нь өөрсдийгөө дундаж ангид хамааруулдаг байлаа. Гэтэл сүүлийн үед Европын бусад оронтой харьцуулахад манай улсад нийгмийн энэ давхарга маш хурдан багасч байгаа төдийгүй энэ үзүүлэлт бүр 63% болсон тухай Мюнхений “Ifo” хүрээлэн мэдээлэв. Үүний гол шалтгаан нь нийгэмд амьдралын түвшин ихсэх бас багасч буйтай холбоотойгоор дундаж ангийн хил зааг улам хумигдаж байгаад оршино” хэмээн Германы “Der Spiegel” сэтгүүл бичжээ. “Ifo” хүрээлэн саяхан Ханнс Зайделийн сангийн захиалгаар судалгаа явуулсан аж. “2007 онд Германы дундаж анги Европт 9-р байранд орж, цар хэмжээгээр эхний 3-т жагсч байв. Гэтэл 2019 онд германчууд ердөө 14-т бичигдэх болжээ” хэмээн Мюнхений “Ifo” хүрээлэнгийн ажилтан Флориан Дорн ярьжээ. 
Аж үйлдвэрлэл хөгжсөн орнуудын тооцоолж гаргаснаар хэрэв иргэн хүн өөрийн “median income”-ын 75% -аас 200%-г захиран зарцуулах боломжтой бол дундаж давхарлагт багтдаг аж. Ганц бие хүмүүсийн хувьд энэ нь 2019 онд €17475 - €46600 байв. Харин гэр бүлтэй, хүүхэдгүй гэр бүлд €26212 - €69900, 2 хүүхэдтэй өрхийн хувьд €36698 - €97860.
Нэмж өгүүлэхэд, Германы дундаж давхарлага бол Европт хамгийн өндөр татвар хураамж төлдөг юм байна.