Image description
“UFC” тэмцээний экс аварга, ММА-н тулаанч, Оросын тамирчин Хабиб Нурмагомедовт хэрэв тэмцээнд орвол 100 сая доллар өгье гэсэн санал тавьжээ. Түүний эсрэг Америкийн тулаанч Флойд Мейвезер рингэд гарах байсан, гэвч Хабиб Нурмагомедов татгалзлаа. Орос тулаанчийн менежер Али Абдель-Азиз энэ талаар “Хабиб ээжээсээ болж ийнхүү татгалзсан. Тэр эцгээ нас барсны дараа дахиж тулаанд орохгүй гэж ээждээ амлалт өгсөн юм” хэмээн тайлбарласныг “Sportskeeda дамжууллаа. “Гэхдээ Хабиб ирээдүйд буцаад рингэнд гарч магадгүй, мэдээж түүний ээж нь зөвшөөрсөн тохиолдолд. Манай мусульман соёлд ээжийн санал бодол маш чухал, хэрэв эхийнхээ үгийг дагаж мөрдөхгүй бол тэнгэрт очиж чадахгүй шүү дээ” гэж Абдель-Азиз ярилаа. 
Харин Нурмагомедов “Би одоо гэр бүлтэйгээ аль болох их цаг хугацааг өнгөрөөхийг хүсч байна. Мөн “UFC”-н тэмцээнд оролцож байгаа дүү нараа дэмжиж тусалдаг. Түүнчлэн би талийгаач аав Абдулманап Нурмагомедовын нэрэмжит тулааны урлагийн сургуулийг Орост нээх бодолтой байгаа” гэж мэдэгджээ. Хабиб Нурмагомедов бол 29 удаа мэргэжлийн тэмцээнд оролцож дараалан ялалт байгуулсан ба нэг ч удаа ялагдаж үзээгүй. Тэр сүүлчийн тулаанаа 2020 оны 10-р сард АмерикийнЖастин Гэтжийн эсрэг хийсэн билээ.