Image description
Өмнөд Африкийн Бүгд найрамдах улсын иргэн Госиаме Ситхоул 10 хүүхэд төрүүлж дэлхийн дээд амжилтыг шинэчлэн тогтоов. Өмнө нь бас л африк бүсгүй 9 хүүхэд гаргаж дээд амжилт тогтоосон билээ. 37 настай Госиаме 6 сарын 7-нд 7 хүү, 3 охиныг эсэн мэнд төрүүлжээ. “Намайг анх ЭХО-д харуулахад 6 хүүхэд байна гэсэн, дараа нь эмч нар дахин 2-ыг нэмэн 8 хүүхэд төрүүлнэ гэсэн” гэж ихэр хүүхдүүдийн ээж ярилаа. Тэр нөхөртэйгээ 8 хүүхэд төрнө гэж хүлээж байтал 10 хүүхэд гарчээ.
Бүх хүүхдийн амь насыг аварч эсэн мэнд төрүүлэхийн тулд жирэмсэн эхийг 29 долоо хоногтой байхад мэс засал буюу кесарево сечение хийсэн аж. Тэдний 10 хүүхдийн талыг хэдэн сарын турш инкубаторт байлгах хэрэгтэй гэж эмч нар зөвлөсөн байна. Ингээд Ситхоулын гэр бүл 12 хүүхэдтэй болжээ. Яагаад гэвэл, гэргий Госиаме өмнө нь бас ихэр хүүхэд төрүүлсэн, 2 хүү нь одоо 6 настай. Голдуу зохиомол үр тогтоолтын үед ийм олон хүүхэд төрдөг гэж шинжээчид ярьдаг, харин энэ удаагийнх бол байгалийн жамаар үр тогтон төржээ.