Чех улсад сонирхогчдын хөлбөмбөгийн тэмцээний үеэр 16 тоглогчийг нэгэн зэрэг шар картаар торгосон хэрэг гарчээ. Упоглав хотын “Шонхор” баг 11 сарын 4-нд Либочован хотын “Либочован” багийн эсрэг тоглов. “Шонхор” баг эхний үед 0.6 харьцаатай ялагдаж явлаа. Харин тэмцээний 82 дахь минутад “Шонхор”-ын довтлогч Мартиэ Ближил багийнхаа анхны гоолыг оруулжээ. Мань эр гоол хиймэгцээ баярласнаа илэрхийлж футболкоо тайлсан байна. Түүнийг багийнхан нь бүгд дуурайжээ. 
Гэтэл шүүгч үүний төлөө бүх тоглогчийг шийтгэхээр шийдэж 16 ширхэг шар карт гаргаж торголоо. 
4 минутын дараа “Шонхор” дахиж нэг гоол оруулсан ч багийнхан өмнөх шигээ хувцсаа тайлж тэмдэглэсэнгүй, бүгд талбайгаас хөөгдөхөөс айсан хэрэг. “Шонхор” ба “Либочован” багийн тэмцээн  2:6 харьцаатай өндөрлөжээ. Үнэн хэрэгтээ “Шонхор” багийн хөлбөмбөгчид завсарлагын үеэр хэрэв гоол оруулбэл багаараа футболкоо тайлж флэшмоб хийхээр тохиролцсон юм байна.
Нэмж өгүүлэхэд, Упоглав тосгонд 276 хүн амьдардаг ба Прага хотоос 50км зайд оршдог аж.