Image description
Дэлхийн эрүүл мэндийн байгууллагын тусгай төлөөлөгчид нийтлэл бичиж хөгжингүй орнуудад хандан уриалга гаргажээ. “Хөгжингүй орнууд зөвхөн дотоодын вакцинжуулалтад анхаарлаа төвлөрүүлж дэлхийн ядуу орнуудыг чухал эм, вакцингүй орхиж болохгүй ээ, Цар тахлын эсрэг даяаршсан тэмцэлд бүгд хүчээ нэгтгэн оролцох хэрэгтэй байна” гэж тэд уриалав.
“Коронавирүс байнга мутацид орж шинэ шинэ штамм гарч байгаа, иймээс манай гарагийн хүн амын 60-70% орчмыг нэг жилд багтаан вакцинжуулалтад хамруулах ёстой. Ингэж байж л "
COVID-19" -н тархалтаас сэргийлэх боломжтой. Одоо янз бүрийн судалгаа явуулж загварчлал үргэлжлүүлэн хийж байгаа. Яг одоогийн байдлаар илүү тодорхой таамаглал гаргахад хүндрэлтэй. Тэгээд ч бид одоо вакцин хэрхэн коронавирүсээс урьдчилан сэргийлж  чадаж байгааг төдийгүй халдвар дамжуулахаас хамгаалах шинж чанартай эсэхийг нь тооцож үзэх шаардлагатай боллоо. Урьд өмнөхөөс илүү аюултай вирүсийн шинэ хувилбарууд гарч ирсээр байгаа ийм нөхцөл байдалд зарим улс орон “Эхлээд зөвхөн өөрийн орноо дархлаажуулна” гэсэн байр суурь баримталж байгаагаас болж зөвхөн ганц тун тариулсан хүмүүс их эрсдэлд орж байгааг анхааруулъя” гэж ДЭМБ-ын Дархлаажуулалтыг хариуцсан удирдагч, хатагтай Кейт О`Брайен.онцлон тэмдэглэжээ.