Орос улсын “Гран при” уран гулгалтын аварга шалгаруулах тэмцээн Казань хотод явагдлаа. Олимпийн болон Европ, Оросын аварга, алдартай тамирчин Камила Валиева энэ удаа 4-р байранд оржээ. Дашрамд дурдахад, Казань бол 17 настай Камилагийн төрсөн хот. Тэрбээр нийт 213,59 оноо авсан ба дөрвөн эргэлттэй тулуп хийхдээ алдаа гаргаж ойчсон юм байна. Камила уг нь дэлхийн уран гулгалтын ганцаарчилсан эмэгтэй төрөлд бүх дээд амжилтыг тогтоосон тамирчин: Богино хөтөлбөр 90.45, чөлөөт хөтөлбөр 185.29, нийт оноо 272,71 гэх мэт. "Гран при" тэмцээний ганцаарчилсан эмэгтэй төрөлд Софья Муравьева 228,81 оноогоор ялалт байгуулж түрүүлэв. Хоёрт Алина Горбачева 219,02 оноотой, 3-т Дарья Садкова 214,54 оноотой жагсчээ.   
Сонирхуулахад, 2022 оны Бээжингийн Олимпийн үеэр дэгдсэн Камила Валиевагийн допинг хэрэглэсэн гэх хэрэг одоо хүртэл бүрэн шийдэгдээгүй байгаа. Дэлхийн допингийн эсрэг байгууллага (WADA) тухайн үед Камила Валиевагийн тэмцээнд орох эрхийг 4 жилээр хасах шаардлагыг Спортын арбиртын шүүхэд (CAS) хүргүүлсэн. “CAS” эцсийн шийдвэрээ 2024 оны 1 сард шийдвэр гаргана гэж өнгөрсөн баасан гарагт хийсэн хурлын дараа зарлалаа.